08 сен 2017 09:17Тоҷикистон / Тема дня

Нигаронии ҷиддии Эмомалӣ Раҳмону Раҷаб Таййиб Эрдуғон аз афзоиши исломбадбинӣ дар Мянмар

Эмомалӣ Раҳмон ва Раҷаб Таййиб Эрдуғон, раисҷумҳурони Тоҷикистону Туркия афзоиши исломбадбинӣ дар Мянмар ва ҳамлаҳои мусаллаҳонаи гуруҳҳои иртиҷоӣ дар Ракхайнро қотеъона маҳкум карданд. Дар ин бора дафтари матбуоти Президенти Тоҷикистон хабар додааст.

Ба иттилои манбаъ, дар суҳбати телефонии Раҳмону Эрдуғон, ки 7 сентябр сурат гирифтааст, ҷонибҳо “аз вазъе, ки нисбат ба ҷомеаи мусулмонон дар кишвари Мянмар ба амал омадааст, изҳори нигаронии ҷиддӣ намуданд”.

Манбаъ мегӯяд, ду раисҷумҳур ҷиҳати ҳалли одилонаи ҳама гуна низоъҳои этникӣ ва мазҳабӣ сирф бар асоси муколамаи мусолиҳатомез изҳори ақида намуда, аз ҷомеаи ҷаҳонӣ даъват ба амал оварданд, то бо истифода аз воситаҳои муассир пеши роҳи чунин зуҳуроти хатарзо гирифта шавад.

Дар пайи ҳамлаҳои ваҳшиёнаи артиши Мянмар садҳо нафар, бо шумули занону кӯдакони мусалмон бераҳмона кушта шуда, ҳазорҳо тани дигар маҷбур ба тарки манзилҳояшон шудаанд. Қабилаи мусалмон дар Мянмар, ки асосан мардумаш бутпарастанд, шаҳрвандии ин кишварро надоранд ва пайваста озору шиканҷа мешаванд.

Мӯҳр

Хабарҳои монанд:

хозир

Фармондеҳи артиши Қувваҳои мусаллаҳи Мянма гуфт, ки "мо ҳоло корро анҷом медиҳем, ки соли 1942 анҷом дода натавонистем".
Мувофиқи гузориши созмонҳои ғайриҳукуматӣ, наслкушии Араканс ба дараҷаи аз ҳад зиёд расид. Гузоришҳо мегӯянд, ки ба ғайр аз таҷовуз ба номус, шиканҷа, қаллобӣ, боздоштгоҳҳои худсарона, гирифтани замин ва тамаркузи комил аз муҳит, стратегияи дарозмуддати наслкуши истифода мешавад. Ҳуҷҷатҳои пинаконии ҳукумат низ нишон медиҳанд, ки нақшаи "нобудшавии оммавӣ" дар сатҳи олӣ омода шудааст. Режим ва фашистҳои бутпараст кӯшиш мекунанд, ки Роҳинаро нобуд кунанд. Мутаассифона, дар ин ҷиноят гунаҳкорӣ ба назар мерасад. Тақвияти геноград дар марҳила истифода мешавад. Ҷомеаи ҷаҳонӣ, аз дахолати самаранок дар ин раванд даст кашида, нақшаи харобшавии онҳоро дастгирӣ мекунад. Аз ин рӯ, ҷангиёни озод дар Аракан мегӯянд: «Мо дар марҳилаи охирини пеш аз зӯроварӣ ҳастем, мо бояд аҳолии худро муҳофизат кунем».
Русия ва Чин доимо амалҳои Шӯрои Амниятро оид Мянма дастгирӣ намекунанд ва вето мегузоранд, чунки бо Мянма созишномаи таъминоти силох доранд Гайр аз ин дар вилояти(штати) Раҳин, порт ва системаи қубурҳои нафту газ барои таҳвилгарони гидротехникӣ ба Чин сохта шудаанд. Хотиррасон намоям, ки ин хат ба Чин тавассути Рахин ва Шан меравад, равшантар мегардад, ки чаро Раҳин дар давоми чанд соли охир ба наслкуши гирифтор шуда истодааст.

Ҷавоб диҳед Иқтибос Шикоят

ali

хозир,

Боракаллох бародар асли гапро гуфти

Ҷавоб диҳед Иқтибос Шикоят

Муслим

Ачоиб домани худ кандаву ба домани дигаркас механдем ё ба истилохи дигар худ чи кардем ки ба дигаре чи карди мегуем?

Ҷавоб диҳед Иқтибос Шикоят

Эзоҳ илова кунед