12 июл 2017 10:52Тоҷикистон / Рӯ ба рӯ / Тема дня

Муҷозоти ронандаи “Зил”, ки вақти баргашт аз қабристон мошинро чаппа кард (ВИДЕО)

Ронандае ки моҳи март ҳангоми бозгашт аз маросими дафн дар шаҳри Ваҳдат боркаши “Зил-130”-ро чаппа кард, беш аз 7 сол аз озодӣ маҳрум шудааст.

Бино ба иттилои додситонии куллии Тоҷикистон, ҳукми Маҷидов Б.З.-ро Додгоҳи шаҳри Ваҳдат эълон кардааст. Ӯ бар асоси моддаи 212 қисми 3-и Кодекси ҷиноии Тоҷикистон муҷрим шинохта шуда ва барои 7 солу 6 моҳ равонаи зиндон шудааст.

Манбаъ мегӯяд, Маҷидови 41-сола 11 марти соли 2017 тахминан соати 14:30 дар роҳи мошингарди Ваҳдат-Ромит талаботи қоидаҳои ҳаракат дар роҳро риоя накарда, “дар қисми болои “3ил-130” ҷойи борбардории он ғайриқонунӣ зиёда аз 25 мусофирро савор карда, ҳангоми фаромадани баландии роҳи қабристони “Роҳатӣ” аз уҳдаи рондани автомашина набаромада, онро дар канори роҳ чаппа менамояд”.

Ба иттилои додситонӣ, дар натиҷа 7 мусофир ба ҳалокат расида, 4 тани дигар маҷруҳ мешаванд. Ин дар ҳолест, ки 13 март 13 март, баъди ду рӯзи ин ҳодиса Вазорати умури дохилӣ бо нашри як иттилоия гуфт, дар пайи ин ҳодиса 8 нафар ҷон бохта ва 19 каси дигар маҷруҳ шудаанд. Мошини боркаш дар ҳоле чаппа шудааст, ки одамонро аз маросими дафни як сокини Ваҳдат аз қабристони ҷамоати деҳоти Баҳор меовард.

Мӯҳр

Хабарҳои монанд:

Ronanda

... “дар қисми болои “3ил-130” ҷойи борбардории он ғайриқонунӣ зиёда аз 25 мусофирро савор карда, ҳангоми фаромадани баландии роҳи қабристони “Роҳатӣ” аз уҳдаи рондани автомашина набаромада, онро дар канори роҳ чаппа менамояд”.
U bechora hami 25 nafarroo majbur savor kardaast???? I har ruz bar sari farzandi odamizod meoyad. Kame sharm kuned

Ҷавоб диҳед Иқтибос Шикоят

Paymon

Moshin kasero namezad(namekusht) pas ijozat bud dar boloyash odam savor kunad?Az rui konun ijozat nest? Pas tamomi ronandahoi borkashi tojikro ba javobgari boyad kashid.Avval konunro boyad jori kard, hatmi kard ,alternativ pajdo kard...konunhoi pojdarhavo fakat ba mardumi nodor.

Ҷавоб диҳед Иқтибос Шикоят

Милиса

Аввал 8 нафар ба халокат расид баьд 1 нафараш зинда шуд бинобарин 7 нафар хисобот доданд. Шояд интизор мешудем 4 нафари дигар хам зинда мешуданд))))

Ҷавоб диҳед Иқтибос Шикоят

Эзоҳ илова кунед