11 июл 2017 14:26Тоҷикистон / Иҷтимоӣ / Рӯ ба рӯ / Тема дня

Ронандаи мусофиркаши №8 ба мусофир ва нозири хатсайр: Ҳардут куҷое шикоят мекунед, кардан гиред

Як мусофири хатсайри №8-и шаҳри Душанбе аз талаби роҳкирои бештар ва муносибати ноҷои ронандаи воситаи нақлиёти мусофиркашонӣ шикоят дорад.

Исфандиёр Носиров, як ҷавони тоҷик мегӯяд, субҳи имрӯз, 11 июл мехост аз тариқи мусофиркаши № 8 (рақами қайди давлатиаш 4444 ТТ 05) аз маҳаллаи “Зарафшон”-и пойтахт то назди мағозаи маъруф ба “СУМ” биравад, вале ронанда бо ин далел, ки 2 сомонӣ пешниҳод накард, ӯро аз мошин берун кард. Ин дар ҳолест, ки арзиши роҳкиро аз “Зарафшон” то Фурӯшгоҳи марказӣ ё ҳамон “СУМ” 80 дирам мебошад. Исфандиёр дар суҳбат ба “Озодагон” гуфт, “Ман ба ронанда 1 сомонӣ дароз кардам, яъне аз нархи муқарраршуда 20 дирам бештар. Бо вуҷуд, ронанда гуфт, ки агар ду сомонӣ надиҳӣ, фаро. Ин дар ҳоле ки ҳаррӯз то назди мағозаи “СУМ” бо 80 дирам мерафтем”.

Исфандиёр Носиров афзуд, вақте ронанда барои берун шуданаш исрор кард, дар назди мошин бо як нозири хатсайри №8-ро дид ва ба ӯ шикоят бурд: “Аммо ронанда ҳатто ба гапи нозири хатсайр гӯш надод. Вақте нозир ба ронанда фаҳмонд, ки бо мусофирон чунин муносибат накунед ва онҳо метавонанд аз болоятон шикоят кунанд, ӯ бо як лаҳни дағал гуфт, ки “ҳардут куҷое шикоят мекунед, кардан гиред”.

Ин бори аввал нест, ки мусофирон аз талаби роҳкирои бештар аз ҷониби ронандаҳо ва муносибати дағали онҳо шикоят мекунанд. Дар гузашта дар пайи шикояти бархе мусофирон ва нашри он дар хабаргузории “Озодагон” чанде аз ронандаҳо муҷозот шуда буданд.

Мӯҳр

Хабарҳои монанд:

Акмал

Нисбати чунин ронандахои саркаш ва дорандаи лаҳни дағал нисбати мусофирон бояд хатман чорахо андешида шаванд. Бинед хатто ба гапи нозири хатсайр гӯш надода гуфтааст равед ҳардут куҷое шикоят мекунед, кардан гиред. Ин маънои онро дорад, ки конуну тартибои танзимкунандаи фаъолияти соха ба сифр баробар аст.

Ҷавоб диҳед Иқтибос Шикоят

Чабрдидагони харруза

Ин хел ронандахоро як умр аз хукуки ронандаги махрум кардан лозим. Хай каданшона намегуед. Аз хаминхо сар мешавад садамахои наклиёти. Аз одамон ба чои 80 дирам 1сомони ё ба чойи 1сомонию 60 дирам 2сомони гиран албата ки маст мешаван.

Ҷавоб диҳед Иқтибос Шикоят

Нусрат

Ин хакикат хаст. Ман бисёр вакт аз Бозори Шохмансур то купруки Осорхонаи миллии ЧТ 2 сомон месупорам. Вакте як сомон дароз мекунам мегад 1 сомони дигар дароз кунед то купруки Осорхонаи милли 2 сомон хаст мегуяд.

Ҷавоб диҳед Иқтибос Шикоят

Барзу

Ахамият додед, ки хамин кадар ронандахо чарима мешаванд, лекин хеч рафторашон тагйир намеёбад. Сабаб чист? Якум, бесаводии кадрхои сохави. Дуюм,коррупсия дар сохаи наклиёт. Чаро ронанда мусофирро писанд намекунад ва ба нозир густохона рафтор мекунад? Якум, чунки "крыша" дорад. Дуюм, чунки чойро дар сайрхат (маршрут) харидаги аст, яъне у фикр мекунад, ки азбаски ба рохбари кадом як ЧДММ пул додаст, худаш хучаин мебошад. Системаи кори наклиёт дар Душанбе ин як "лахзахои гуворои" чигил мебошад, ки Худо окибаташа ба хайр гардонад....

Ҷавоб диҳед Иқтибос Шикоят

Аваз

Мухтарам мусофирон.
Ба суд мурочиат кунед, ба суд. Хол он ки, шохид дорад. Дар суд чуброни зарари маънавию паст задани шаъну шараф ба микдори нихоят калон (бигзор 50 хазор) талаб кунед ва суд агар ба манфиати шумо хал кунад, аз ронанда мумкин аст, ки то панч хазор сионад. ана баъд як каме акли ронанда медаромадагист.

Ҷавоб диҳед Иқтибос Шикоят

Эзоҳ илова кунед