Суғд: «Чернобилчиён» ҳамаҷониба дастгирӣ мешаванд

Дар театри тамошобини навраси шаҳри Хуҷанд бахшида ба 20-солагии  таъсисёбии ташкилоти ҷамъиятии «Иттифоқи Чернобил»-и ҷумҳурии Тоҷикистон ва рӯзи ғалабаи аҳли башар бар садамаҳои радиатсионӣ-техногенӣ баргузор гардид.

---

Тибқӣ иттилои хабарнигори маҳаллии «Озодагон» дар ин нишаст райиси «Иттифоқи маъюбони Чернобил»-и Тоҷикистон Фаридун Ҳакимов ва райиси Шӯрои ҷумҳуриявӣ Т.Отабоев, намояндагони ташкилотҳои ибтидоии иттифоқи чернобилчиёни шаҳру ноҳияҳо, донишҷӯён ва хонандагони фаъоли мактабҳои олӣ ва миёнаи шаҳр иштирок доштанд.

Манбаъ афзуд, дар чорабинӣ намояндаи мақомоти иҷроияи ҳокимияти давлатии вилоят А.Шарифов табрикоти райиси вилоят Қоҳир Расулзодаро ба иштирокчиён ва аъзоёни ташкилоти ҷамъиятии «Иттифоқи Чернобил» бахшида ба  таҷлили 20-солагии таъсисёбии ин ташкилот ироа дошт. Ҳамчунин, райиси Шӯрои ҷумҳуриявӣ Т.Отабоев баромад намуда, аз оқибатҳои нохуши садама ёдовар шуд. Дар охир барномаи консертии театри тамошобини навраси шаҳри Хуҷанд ва композитсияи адабӣ-мусиқӣ пешкаш гардида, ба фаъолони аъзои Шӯро медали ҷашнии 20-солагии таъсисёбии ташкилоти ҷамъиятии «Иттифоқи Чернобил» тақдим карда шуд.

Мӯҳр