21 июн 2017 12:38Тоҷикистон / Иқтисодӣ / Рӯ ба рӯ / Дидгоҳи хос

Қарори ҳукумат барои ҷалби сармояи хориҷӣ ба “Роғун”

Маҷлиси намояндагони Тоҷикиситон, имрӯз, 21-уми июн лоиҳаи қарори ҳукумат дар бораи ба муомилоти байналмилалӣ пешниҳод намудани коғазҳои қиматнокро ба тасвиб расонд.

Ҷамшед Нурмуҳаммадиён, муовини вазири молияи Тоҷикистон зимни муаррифии лоиҳа гуфт, ҳадаф ва моҳияти қарори мазкур ҷалби маблағҳо барои сохтмони иншооти стратегии кишвар мебошад. Ба гуфтаи ӯ дар марҳилаи аввал пешниҳоди коғазҳои қиматнок ба маблағи 500 миллион доллар ва дар маҷмуъ 1 миллиард доллари амрикоӣ дар назар аст. Ноиби вазири молия гуфт, ин нахустин таҷрибаи Тоҷикистон барои ба бозори байналмилалӣ баровардани коғазҳои қиматнок мебошад ва корҳо дар ин самт идома доранд.

Шариф Раҳимзода, вакили парлумони Тоҷикистон таъкид намуд, ки ҳадаф аз пешниҳоди коғазҳои қиматнок ба бозори байналмилалӣ ҷалби маблағҳо ба сохтмони “Роғун” мебошад. Ба суоли Шукурҷон Зуҳуров, раиси Маҷлиси намояндагон, ки оё ин иқдом ягон “риск” дорад, Раҳимзода гуфт, бале ва “риск” дар афзоиши қарзҳои Тоҷикистон мебошад. Дар мавриди ҷанбаи мусбати иқдоми мазкур Раҳимзода гуфт, бо ҷалби маблағҳо истеҳсоли нерӯ зиёд мешавад ва имкони содироти он фароҳам мегардад.

Нерӯгоҳи “Роғун” бо садди беш аз 300 метрӣ дар назар аст, ки калонтарин НБО дар минтақа шавад. 1 июли соли 2016 Ҳукумати Тоҷикистон бо ширкати “Салини Импреҷило С.п.А.” (Salini Impregilo SpA)-и Итолиё созишномаи ҳамкорӣ ба имзо расонд. Маблағи умумии созишнома 3,9 миллиард доллар гуфта мешавад. Масъулини ширкат баъди имзои созишнома гуфтанд, ки аввалин чархаҳои неругоҳ соли 2018 ба кор медароянд.

Раисиҷумҳури Тоҷикистон охири октябри соли гузашта дар расми бунёди сарбанди Нерӯгоҳи барқи обии Роғун дар соҳили дарёи Вахш шахсан иштирок намуда буд.

Мӯҳр

Хабарҳои монанд:

Носкаш

Илтимос ягон харидор ебен мн сахмияхома кутара савдо кунм. Сахмияхома савдо кунм ки зиндагим руз ба руз гарени шидестай

Ҷавоб диҳед Иқтибос Шикоят

Барзу

Такдири он когазхое, ки бо рохи "ихтиёри" дар дохил бо номи "сахмия" пахн шуда буд, чи мешад? Ин "когазхои кимматнок" хам номаш сахмия аст ё чизи дигар? Ин чо чандин саволхои дигар ба Хукумати хирадманди мо пайдо мешавад, лекин яктоаш асоси аст- карори МН хаст, ки НБО-и сохташавандаи Рогун моликияти давлати мемонад, пас инвесторхои хоричи дар кадом асос чалб мешаванду нисбати ин неругох чи хукукхоро сохиб мегарданд?

Ҷавоб диҳед Иқтибос Шикоят

Амин

Роғунро худамон сохта натавонистем боз? боз ба дигар кишварҳо муҳтоҷ шудем ё ин ки қоғазҳои қиматноки худамонро ба пул иваз мекунем ё ин ки ҳамонҳоро пул месозем?

Ҷавоб диҳед Иқтибос Шикоят

ОДИЛОВ КАРАМУЛЛО

Ҷамшед Нурмуҳаммадиён, муовини вазири молияи Тоҷикистон не, балки раиси Бонки миллии Ҷумҳурии Тоҷикистон мебошанд.

Ҷавоб диҳед Иқтибос Шикоят

Эзоҳ илова кунед