29 мар 2017 10:06Тоҷикистон / Тема дня

Р.Эмомалӣ номи телевизион ва меҳмонхонаи "Пойтахт"-ро иваз кард (АКС)

Рустами Эмомалӣ, шаҳрдори Душанбе қарор кардааст номи меҳмонсарои "Пойтахт" ва телевизиони "Пойтахт" ба "Душанбе" иваз карда шавад.

Ба иттилои дафтари матбуотии шаҳрдорӣ, ду қарори Рустами Эмомалӣ дар ин бора 28 март ба имзо расида, ҳамакнун меҳмонсарои "Пойтахт" ба “Меҳмонхонаи Душанбе” ва телевизиони "Пойтахт" ба “Телевизиони Душанбе” иваз хоҳад шуд.

Шаҳрдори Душанбе ба Мӯсоев.С, раҳбари КВД “Меҳмонхонаи Душанбе” ва Рауфзода Суҳроб, директори Муассисаи давлатии “Телевизиони “Душанбе” дастур додааст, ҷиҳати ба муҳри мудаввар, сиккаҳо ва ҳуҷҷатҳои таъсисии муассиса ворид намудани тағйироти зарурӣ ва бо тартиби муқарраргардида дар мақомоти дахлдор ба қайди давлатӣ гирифтани тағйироти мазкур тадбирҳои зарурӣ андешад.

Қарор дар бораи номгузории ин муассисаҳо аз ҷониби Маҳмадсаид Убайдуллоев шаҳрдори собиқи пойтахт ҳануз соли 2006 қабул шуда буд.

14 март "Озодагон" бо нашри як ИНФОГРАФИКА теъдоди муассиса ва биноҳоеро, ки дар шаҳри Душанбе номи пойтахтро доранд, гирд оварда буд:

Мӯҳр

Хабарҳои монанд:

Беном

Бисер кори хуб шуд, вагарна аз калимаи Пойтахт безор шуда будем. Лекин кушиш кунед, ки калимахо такрор нашавад, зеро фарханги точикон бой аст. Дигар иншооте, ки номи Пойтахтро дорад хамаашонро номгузори кунед, бигузор яктоаш бо номи Пойтахт монаду халос.

Ҷавоб диҳед Иқтибос Шикоят

Салима

Ин мехмонхона дар замони шурави Душанбе ном дошт ва бо ин ном машхур буд. Шахрдори нав кори хуби кардааст.

Ҷавоб диҳед Иқтибос Шикоят

Юсуф

Бузургони классикиамон ба тарзи Абдураҳмони Ҷомӣ, Саъдии Шерозӣ, Абуабдуллоҳи Рӯдакӣ, Ҳофизи Шерозӣ номнавис ва ба забон оварда мешуданд ва ҳанӯз ҳам дар адабиёт ҳамин тавр аст. Вале аз чи боис ҳоло номҳои ба тарзи аҷдодӣ сабтшуда Рауфзода Сӯҳроб, Шарифзода Аҳмад ва ғайра нависта ва гуфта мешаванд. Магар ин стандарти дугона нест? Охир, дар тамоми мамолики дунё аввал ном ва баъд номи хонаводагӣ ё номи падар гуфта ва иншо мешавад! Мо бошем ҳанӯз ҳам аз шеваи номнависии русҳо даст намекашем. Чаро? Албатта мо метарсем, ки бароямон дар Русия мушкил эъҷод мешавад, зеро мо бо Русия зиндаем.

Ҷавоб диҳед Иқтибос Шикоят

Абрауфичу

Шахдорони азизу арчманд...... Хохиш ва илтимос аввал КЧТ "Дар бораи статуси пойтахт"-ро ба 180% дигар намоед...... Ин конун соли бесохиби 1996 бо 13 модда кабул шудааст, имруз барои мо айб аст бо чунин Санад кору фаъолият кардан.....Кариб, ки конунхам нест, ин........
Баъд Ака, навбати майда чуйдахо. Аз калонаш, асосиаш саркунед......

Ҷавоб диҳед Иқтибос Шикоят

Эзоҳ илова кунед