11 фев 2017 12:06Оcиёи Марказӣ / Тоҷикистон

САҲА ба Тоҷикистон таҷрибаи Сингопур зидди фасодро пешниҳод кард

Созмони амнияти ва ҳамкории Аврупо ба Тоҷикистон таҷрибаи Сингопур дар амри мубориза бо фасодро пешниҳод кардааст. Масъулини мубориза бо фасоди Сингапур мегӯянд, роҳандозии таҷрибаашон иродаи сиёсии қотеъ талаб мекунад.

Тибқи иттилои САҲА таҷрибаи Сингопур, зимни як ҳамоиш дар Вена ба масъулини мубориза бо фасоди Тоҷикистон, Молдова, Муғулистон ва Укроин пешниҳод гардидаст.

Дар ин семенар, ки аз ҷониби Раёсати ҳамоҳангсозӣ дар умури иқтисодӣ ва фаъолиятҳои зистмуҳитии САҲА дар ҳамкорӣ бо “Corrupt Practices”-и бюрои таҳқиқотии Сингопур созмон дода шудааст, намояндаҳои мақомоти алайҳи фасоди Тоҷикистон, Молдова, Муғулистон ва Укроин ширкат кардаанд ва таҷрибаҳои коркади сиёсати кишвари худ дар амри мубориза бо фасодро низ матраҳ намудаанд.

Ви Лиам Чин, муовини мудири Раёсати таҳқиқотии мубориза бо фасоди Сингопур дар ин семинар гуфтааст, меъёрҳое, ки барои мубориза бо фасод нигаронида шудаанд рӯйкарди маҷмуие мехоҳад, ки ба иродаи сиёсии қотеъ марбут бошад: “Қонунҳои муассир, низоми судии мустақил, истифодаи пурсамар ва хидмати давлатии посухгӯй аз унсурҳои зарурии муассирии истротежик дар амри мубориза бо фасод мебошанд”, гуфтааст ин намояндаи Сингопур.

Сингопур дар ҷаҳон яке аз кишварҳое дониста мешавад, ки баъди ба даст овардани истиқлол дар соли 1965 мубориза бо фасодро бисёр қотеона роҳ андохт ва яке аз омилҳои калидии пешрафти ҳайратовари ин кишварро маҳз муборизаи қотеъ бо фасод медонанд. То ин замон Сингопур як мустаъмараи Бритониё буд ва истеъморгар мехост, ки вазъ кишвар дар чунин ҳол бимонад.

Ли Куан Ю бо ҳизбаш дар интихоботи соли 1959 ғолиб омад ва мақоми нахуствазирии ин кишварро соҳиб шуд ва кори рушди кишвар аз мубориза бо фасод оғоз кард. Ӯ маоши вазирону хидматчиёни сатҳи баланди давлатиро боло бурд. Аз ҷумлаи корҳои Ли Ю ин буд, ки расонаҳои мустақилу ҳақиқатгӯйеро дар ин кор фаъол намуд, ки маъруфтарин чеҳраҳои фасодкорро барои ҷомеаи ошкор кунанд. Яке аз дигар омилҳои калидии пирӯзии Сингопурро дар ин росто ташкили “Бюрои таҳқиқотии фасод” медонанд, ки мардум номи онро “Бюрои таҳқиқотии ҳирсу тамъакории сироятӣ” гузошта буд.

Мӯҳр

Хабарҳои монанд: