07 фев 2017 16:10Тоҷикистон / Сиёсат / Рӯ ба рӯ / Дидгоҳи хос / Тема дня

Аризаи Убайдуллоев ва Фирӯз Убайдуллоевич барои қатъи ваколатҳо дар маҷлис

Маҳмадсаид Убайдуллоев, раиси пешини пойтахт барои қатъи пеш аз муҳлати ваколатҳояш дар Маҷлиси вакилони халқи шаҳри Душанбе ариза додааст.

Тавре аз шаҳрдории Душанбе иттилоъ доданд, дар баробари Маҳмадсаид Убайдуллоев, ки аз ҳавзаи №25 вакил буд, Улмасов Фирӯз Убайдуллоевич, вакил аз ҳавзаи №62 низ барои қатъи ваколатҳояш ариза пешниҳод кардааст. Манбаъ мегӯяд, вакилони шаҳрӣ имрӯз, 7 феврал дар иҷлосия дар ҳузури Рустами Эмомалӣ, раиси нави Душанбе ва муовинонаш қатъи ваколатҳои Маҳмадсаид Убайдуллоев ва Фирӯз Улмасовро баррасиву қонеъ намудаанд.

Маҷлиси вакилони халқи шаҳри Душанбе қарор кардааст, ба ҷойи ин ду вакил 2 апрели соли 2017 дар ҳавзаҳои интихоботии №25 ва №62 интихобот баргузор шавад: "Дар робита ба баргузории интихобот ба Маҷлиси вакилони халқи шаҳри Душанбе дар ҳавзаҳои интихоботии №25 ва №62 дар ҳайати 9 нафар комиссияи шаҳрӣ таъсис дода шуд".

Инчунин дар ҷаласаи мазкур, ки таҳти раёсати куҳансолтарин вакили шаҳрӣ Зариф Шарифов баргузор шуд, вакилон қарор кардаанд, ки Наврӯзи байналмилалӣ дар пойтахт ба таври густарда таҷлил карда шавад.

Мӯҳр

Хабарҳои монанд:

Сокини Душанбе

Аз рои конун у хаки вакили шахри буданро дорад ва шарт набуд ки аз ончо хам ариза дихад. Чун хамчун вакили мачлиси шахри барои номзади ва узвият дар мачлиси милли хак дошт, аз ончо хам меравад? Хукукшиносон чи мегуянд?

Ҷавоб диҳед Иқтибос Шикоят

PATRIOT

АРИЗА ДОД Ё МАЧБУРАШ КАРДАНД КИ АРАИЗА ДИХАД ВОТ В ЧЁМ ВОПРОС?

Ҷавоб диҳед Иқтибос Шикоят

Бузургмеҳр

Айёмӣ Шӯравӣ дар телевизионӣ Тоҷикистон филми ҳуҷҷатие нишон медоданд: дар корхонаи гӯшт (мясокомбинат) гӯсфандон ба хонаи кӯштан (кӯшторгоҳ) намедаромаданд. Онҳоро бузе дар шохаш зангӯла "роҳнамоӣ" мекард. Ҳамин, ки буз аз саддӣ марг раҳо мешуд, гӯсфандон ба онҷо дохил шуда, бо шиддати 360 квт барқ қатл мешуданд. Буз корашро идома медод.
Шом ҳамаи рама кӯшта мешуд...

Ҷавоб диҳед Иқтибос Шикоят

Фархори

Убайдуллоев дар таърихи давлату миллати точик номаш бо харфхои заррин навишта мешавад, яке аз лидерони сиёсии бехтарини минтакаи Кулоб аст. Шахсияташ новобаста аз давру замон хеч гох фаромуш намешавад.

Ҷавоб диҳед Иқтибос Шикоят

бинанда

Барои мо шахсоне, ки бо маош зиндаги мекунанд, фарк надорад, ки вакил хаст ва ки Раис, аммо бояд мард барин коил шавем, ки Убайдуллоев Махмадсаид чун тарафдори Пешвои миллат дар хакикат тавонист, ки муваффак шавад. Ва чун айёми гардиш аст, бояд тарафдори аз Рустами Эмомали хам кунем. Хизматхои Убайдуллоевро агар ба назар нагирем, инсонхои имруз зиндаги мекардаги чи, таърих моро намебахшад. Чун хакикатро таърих хохед нахохед, гувох аст.

Ҷавоб диҳед Иқтибос Шикоят

Фархори

Мухтарам Убайдуллоев, мардуми нохияи Фархор аз Шумо ифтихор доранд, мефахранд, ва сарбаланд хастанд, Шумо дар баркарорсозии Точикистон хизматхои бузурге анчом додаед, ки онро таърихи давлату миллати точик хеч гох фаромуш намекунад.

Ҷавоб диҳед Иқтибос Шикоят

Эзоҳ илова кунед