27 янв 2017 09:06Тоҷикистон / Тема дня

Раҳбари “Узбекистон хаво йуллари”: Парвозҳо ба Душанбе ояндаи наздик роҳандозӣ мешаванд

Сарвари кулли ширкати миллии ҳавонавардии Узбакистон гуфтааст, ояндаи наздик парвозҳо ба Тоҷикистон барқарор мешавад.

Валерий Тян ин нуктаро панҷшанбеи 26 январ дар нишасти хабарие бахшида ба 25-солагии ширкати “Узбекистон хаво йуллари” таъкид намудааст. Ба гуфтаи ӯ, “созишномаи байниҳукуматӣ пурра ислоҳ шуда ва омодаи имзо аст. Парвозҳо ба Душанбе ояндаи наздик роҳандозӣ мешавад”.

Моҳи ноябри соли 2016 Юсуф Раҳмон, сардори Раёсати авиатсияи граждании Вазорати нақлиёти Тоҷикистон гуфта буд, бар пояи протоколе, ки миёни Тоҷикистону Узбекистон ба имзо расид, нахустин парвоз дар хатсайри Душанбе-Тошканд моҳи январи соли 2017 амалӣ хоҳад шуд: “Парвозҳоро аз ҷониби Тоҷикистон ширкати ҳавопаймоии “Сомон Эйр” ва аз ҷониби Узбекистон “Узбекистон ҳаво Йуллари” ба роҳ мемонанд. Парвозҳо ҳафтае ду маротиба аз тариқи хатсайри Душанбе-Тошканд- Душанбе ба роҳ монда мешаванд. Тавассути ин хатсайр ҳамлу нақли мусофирони транзитӣ ва нафароне, ки мехоҳанд ба Ӯзбекистон сафар намоянд, роҳандозӣ мешавад. Дар назар аст, ки дар оянда ҳамлу нақли бор низ ба роҳ монда шавад, зеро ин нуқта дар протокол дарҷ шудааст”.

Парвозҳо дар масири Тошканд-Душанбе соли 1992 қатъ гардиданд.

Мӯҳр

Хабарҳои монанд:

Мусофир аз ОСИЁ

Озодагон илтимос як маълумотро дурусту аниктар карда пешниходи хонандагони худ мекарди боз нагз мешуд. О ин созишномахои хукуматиро барои имзо шудан вобаста ба парвози харду давлат чанд соли дигар интизор шудан мумкин. То ин хел маълумоти нокифоя додан бехтараш ором меистоди то он даме, ки ичозат дода шавад ва сониян маълум мекарди охир.Пеш аз пода чанг кардан чи даркор.Дигар то ба чашми худ парвоз ва нишасти тайёрахоро аз телевизор дар Душанбе ва дар Тошканд набинам бовар нахохам кард ба маълумотхои Шумоён.
Озодагон нотарсида руи чоп биёр гуфтахи маро.

Ҷавоб диҳед Иқтибос Шикоят

Эзоҳ илова кунед