22 дек 2016 08:41Тоҷикистон / Сиёсат

Сокинони Тоҷикистон ба хотири паёми Президент барқ мегиранд

Ширкати “Барқи тоҷик” эълон кард, имрӯз, 22 декабр ба муносибати паёми Эмомалӣ Раҳмон, раисҷумҳури Тоҷикистон ба парлумони кишвар, дар саросари ҷумҳурӣ аз соати 06:00 то 14:00 барқ дода мешавад.

Тибқи иттилои масъулини ширкат, ин тасмим ба он хотир гирифта шудааст, ки паёми Президент тавассути тамоми шабакаҳои телевизион ва радиои давлатӣ мустақим пахш мешавад ва “шаҳрвандон имкон пайдо намоянд, то аз он огоҳ шаванд”.

Ин дар ҳолест, ки ба иттилои дафтари матбуоти “Барқи тоҷик”, ҳамарӯза дар минтақаҳои кишвар, ки дар ҳоли маҳдудият барқ мегиранд, аз соати 05:00 то 11:00 ва бегоҳӣ аз соати 16:00 то 22:00 барқ дода мешавад.

Муҳаммадато Султонов, сухангӯи Маҷлиси намояндагон мегӯяд, иҷлосияи чоруми якҷояи Маҷлиси миллӣ ва Маҷлиси намояндагони Маҷлиси олии Тоҷикистон даъвати панҷум 22 декабр дар шаҳри Душанбе соати 9:00 дар назар аст.

Охирин маротиба Эмомалӣ Раҳмон паёми солонааш ба парлумонро 20 январи соли равон ироа карда буд. Раисҷумҳури Тоҷикистон дар паёмҳояш ба парлумон самтҳои асосии сиёсати дохилию хориҷиро муайян намуда, ҳадафҳои асосии солонаро дар назди ҳукумат ва парлумон пешниҳод мекунад.

Мӯҳр

Хабарҳои монанд:

Тамошобини Кухистон

Агар хамин пайёми Чаноби Оли намешуд ба фикрам дар ин фикр набудедтон. Худаш маълум чунки вазифа бехад чизи ширинай, даркор шавад падарро аз писар чудо мекунад. Эй кош ки хамин Чаноби Оли хар руз пайём медоданд, ки ин Рохбарияти Барки Точик дар тамоми каламрави Точикистон алалхусус дар нохияихои дурдасти Кухистон кувваи баркро хомуш намекард. Ана свету мана свет. Боз ман фикр кардам, ки ба муносибати пайёми Чаноби Оли дигар свет намемурад. О акаллан ба ин хотир то соати 12.00 - и шаб кувваи баркро хомуш накунетон.

Ҷавоб диҳед Иқтибос Шикоят

ЭЛЕКТРИК

Ох "БЕБАРКИ", "БЕБАРКИ", "БЕБАРКИ"... то ба кай. ИНШОАЛЛОХ бовари дорем, ки ТОЧИКИСТОН дар ду-се соли оянда ба НУРИСТОН табдил меёбад. РОГУНЧОН-ро бо бародарони итолиёвиамон созем, баъд ба бародарони душмангаштаамон хам РАВШАНИ медихем. Чунки мо точикон дар дил кина намегирем. Мачрои зиндаги тагйир ёфта, мушкилихои солхо боз думболагирамон охиста-охиста бартараф хохад гашт... Мо метавонем, чунки ПЕШВО (сохиб) дорем...

Ҷавоб диҳед Иқтибос Шикоят

Эзоҳ илова кунед