06 июн 2016 10:02Тоҷикистон / Дин ва зиндагӣ / Тема дня

Дуо ба ҷои ду сомонӣ: Иқдоми ронандаи хатсайри 8 ба муносибати Рамазон

Як ронандаи мусофирбари хатсайри рақами 8-и шаҳри Душанбе ба муносибати оғози моҳи шарифи Рамазон хизматрасониро барои мусофирон ройгон кардааст.

Ин сокини 56-солаи шаҳри Душанбе имрӯз, 6-уми июн дар суҳбат бо хабарнигори “Озодагон”, ки миёни мусофиронаш буд, гуфт намехоҳад ном ва аксаш нашр шаванд: “Ман ҳамасола барои ризои Худо дар рӯзи аввали моҳи Рамазон ва Иди Фитр хизматрасониро ройгон анҷом медиҳам. Аз субҳ ҳам аз дигар ронандаҳо ва ҳам мусофирон раҳмату дуои хайр гирифта истодаам, ки ин барои ман беҳтар аз пулу мол мебошад”. Ба суол, ки оё дигар ронандаҳо низ аз ин иқдом пайравӣ кардаанд ё на, мусоҳиби "Озодагон" гуфт, намедонад.

Маркази исломии Тоҷикистон аввалин рӯзи моҳи шарифи Рамазонро 6-уми июн муайян намуда, эълон кард, ки “мувофиқи ҳисоби шаръӣ нисоби закот 17400 сомонӣ муқаррар шуда, аз он 435 сомонӣ закот дода мешавад. Садақаи фитр мувофиқи меъёри шаръӣ 5 сомонӣ ва фидяи савм барои соҳибони узри шаръӣ (шайхи фонӣ) ба миқдори 600 сомонӣ барои 30 рӯз муайян гардид. Хатми Қуръон дар масҷидҳои ҷумҳурӣ мувофиқи имконияти мавҷуда дар ҳудуди 1 пора дар намозҳои таровеҳ гузаронида шавад”.

Мӯҳр

Хабарҳои монанд:

Зоиршо

Суханони Хазрати Мухаммади Пайгамбар (с.а.в):
" Бидонед: бинотарин чашм он аст,ки дар рохи хайр боз шавад".

Ҷавоб диҳед Иқтибос Шикоят

Aslam

Бехтарин Аллох, чазои хайрат дихад ва саффи чунин ашхосро зиёд намояд.
Аллох, дуст медорад некукоронро!

Ҷавоб диҳед Иқтибос Шикоят

Манучехр

Раҳмат бар падару модарат! Дар касбат баракат ато кунад. Барои дигарон бояд ин дарси ибрат шавад.

Ҷавоб диҳед Иқтибос Шикоят

nabi farhor

Офарин таго Худованд ин хел шахсони сахиро зиёда гардонад.Агар хар яке аз мансабдорони болои мо пули закоти худро диханд,бовари дорем кариб ки камбизоат намемонад.Касонеро меднем,ки миллион $ миллард ам доранд.

Ҷавоб диҳед Иқтибос Шикоят

Эзоҳ илова кунед