26 янв 2016 17:33Тоҷикистон / Дидгоҳи хос

КДАМ: Кормандони “Алфа” фирор накардаанд

Кумитаи давлатии амнияти миллии Тоҷикистон мегӯяд, сару садоҳо дар бораи фирори як гуруҳ кормандони “Алфа” - воҳиди махсуси зиддитеррористии КДАМ дар вилояти мухтори Бадахшон воқеият надоранд.

Охири ҳафтаи гузашта дар интернет хабарҳое нашр гардид, ки гӯиё беш аз 10 корманди “Алфа” дар Бадахшон аз маҳалли хидматашон фирор намудаанд. Шадид шудани тадобири амниятӣ дар Душанбе ва навоҳии кишвар дар рӯзи 24 январ ин овозаҳоро бештар кард.

Маркази робитаҳои ҷамъиятии КДАМ бо нашри изҳороте гуфтааст, ин овозаҳо “аз тарафи гуруҳҳои манфиатдори дохиливу хориҷӣ роҳандозӣ карда шуда, барои гумроҳсозии ҷомеа ва ташаннуҷи сулҳу субот дар мамлакат равона гардидааст”.

Дар изҳорот гуфта мешавад, айни замон тамоми ниҳодҳои зертобеи КДАМ дар ҳолати муқаррарӣ ва бо назардошти риояи қатъии уҳдадориҳои хизматӣ фаъолияти касбии хешро идома бахшида истодаанд: “Бинобар ин, аз кулли шаҳрвандони кишвар хоҳиш карда мешавад, ки ба ҳар гуна овозаҳои бардурӯғ ва беасос бовар накунанд”.

Зимнан, Рамазон Раҳимзода, вазири умури дохилӣ дар нишасти хабарии ниҳодаш рӯзи душанбеи 25 январ шадид шудани тадобири амниятиро “санҷиши ҳолати омодабоши нерӯҳои дохилӣ унвон кард”.

Ҷаноби Раҳимзода изҳор дошт, мақомот минбаъд низ чунин санҷиш, рейд ва омодагиҳоро хоҳанд гузаронд ва он набояд боиси безобита ва хавотиршавии мардум гардад: “Ин тайёрии мақомот барои таъмини бехатарии шаҳрвандон аст ва ҷое барои таҳлукаю безобиташавӣ нест”.

Мӯҳр

Хабарҳои монанд:

Андарз

Албатта, мо инро нагз медонем. Ин пайёми гайривокеи аз нотавонбинии душманони Точикистони азизамон аст. Онхо чун натавонистанд дар Ватан аъмоли зишташонро амали созанд, дигар даст ба игвогариву сиёхсозии фарзандони содики сарзамин зада истодаанд. То мардумро ба тахлука андохта, рухан халкро дилшикаста созанд. Вале ин мардум дар солхои 90-ум нестанд дигар, ки фирефтаи хар гуна овозаву дарвоза шаванд.

Ҷавоб диҳед Иқтибос Шикоят

Карим ,Кулоб

Харчи бухохан менависан ин вохимачихо. Ман худум корманди "алфаум" ай амин Бадахшон хизмат мекунум. Хама бародарои мо дар хизмати Ватанем.Хамкорои мо хоин нестан..Ай мо натарсен,ай худо бтарсен, чи дуруг мегуен.О номи яготаша биёрен охир. Ма худум чанд сол шид,ки кор мекунум.

Ҷавоб диҳед Иқтибос Шикоят

Эзоҳ илова кунед