Бо кӯмаки ИМА дар шарқи Тоҷикистон як мактаб аз сари нав таъмиру таҷдид шуд

Дар ноҳияи Тавилдара мактаби рақами 10 пас аз таъмиру тармим дари худро ба рӯи хонандагон боз кард.

---

Тавре ба хабаргузории «Озодагон» аз дафтари матбуотии сафорати ИМА дар Душанбе иттилоъ доданд, зимни маросими мазкур қумандони умури шаҳрвандӣ, майор Арнел Дэвид ва сардори гурӯҳи кӯмакрасонии ҳарбӣ-шаҳрвандӣ Уэсли Стронг ширкат доштанд.

Гуфтанист, барномаи кӯмакрасонии ёрии башардӯстона дар ҳолатҳои фавқулодда ва аҳолии шаҳрвандӣ дар хориҷа аз департаменти мудофиаи ИМА барои барқарорсозии мактаб 48.900 доллар харҷ намуд. Абдулқодир Зауров, муовини сардори шӯъбаи иншоот аз вазорати маориф, раиси ноҳияи Тавилдара Ҳимматшо Ғайратов ва мудири мактаби №10 Юсуф Ғафуров низ дар ин маросим ширкат варзиданд. Мактаб дар замони ҷанги шаҳрвандӣ зиён дид ва аз он вақт бад ин сӯ таъмир нашуда буд. Пеш аз ин лоиҳа, кӯдакони маҳаллӣ дар хонаҳои шахсӣ дарс мегирифтанд.

Ин лоиҳа яке аз тарҳҳои ёрирасони мухталифе аст, ки аз номи мардуми Амрико ва аз ҷониби сафорати ИМА роҳандозӣ мегардад. Аз соли 1992 инҷониб мардуми Амрико барои дастгирии рушди бахшҳои иқтисодиёт, тандурустӣ, маориф ва ниҳодҳои демократӣ дар Тоҷикистон зиёда аз 984 миллион доллар харҷ кардаанд.{jathumbnail off}

Мӯҳр