17 дек 2015 15:39Хабарҳои ҷаҳон

Хабари пахши барномаҳои радиои “Давлати исломӣ” дар Афғонистон

Дар вилояти Нангархори Афғонистон радиои гуруҳи террористии ба ном “Давлати исломӣ” ба пахши барномаҳояш шурӯъ кардааст.

Расонаҳои ин кишвар хабар додаанд, ки ин радио “Садои хилофат” ном дошта, рӯи мавҷи 90FM ҷавононро барои пайвастан ба сафи ин ташкилоти террористӣ даъват мекунад. Ба иттилои манбаъ, мавҷи ин радио дар ҳама ноҳияҳои Нангархор, аз ҷумла дар Ҷалолобод дастрас аст.

Дар ҳамин ҳол, як ниҳоди пуштибони расонаҳои озоди Афғонистон аз ҳукумат дархост кардааст, бо тамоми имконоти фанниву истихборотӣ дар камтарин фурсат пеши роҳи пахши радиои “Садои хилофт”-ро бигирад. Ин ниҳод гуфтааст, ҳукумат нагузорад даҳшатафканон бо истифода аз фазои озоди расонаҳо ба ҷалби ҷавонон ба гуруҳҳои терористӣ пардозанд ва бар зидди мардум ва давлати Афғонистон табаддулот кунанд.

Мӯҳр

Хабарҳои монанд:

Бехруз

Бо салом ва эҳтиром
Аввалан ташакур мекунам аз дастанкорони ин сойти хабарии ки бо хабарҳои худ моро аз хабарҳои ҷаҳон ва Тоҷикистони Азизамон хабардор мекунанд
Аммо дуввуман монанди ҳамин хабар ки шумо ба унвони " Хабари пахши барномаҳои радиои “Давлати исломӣ” " гузоштед иштибоҳоте дорад чаро?; зеро ин ки шумо огоҳона ва ё но огоҳона дар хидмати ин радио ва абзори дасти онҳо қарор гирифтаед ва шумо дар ҳақиқат ба онҳо хидмат мекунед, шумо бо пахши ин хабар монанди ман ва бисёре аз мардумро аз раванди ин барнома ва одреси он огоҳ кардед ва ин худ як хидмати хоста ва ё нохоста аст ки шумо анҷом додед.
пешниҳод: агар шумо бихоҳед фақат як иттилоот ба мо бидҳед фақат кофи аст он мавзӯ ва ун хабарри муҳимро барои мо бигуед на ин ки одреси комилро ки мухотаб тавонад ба он адреси дақиқ муроҷиа кунад, агар ҳамин аслро риоят кунед хубаст ва агар не шумо низ як навъ ходими ингуна сойтҳо ва хабарҳои бегона мешавед ки дар асл шумо низ дар ҷурми он низ шарикед.
бо эҳтиром Беҳруз.

Ҷавоб диҳед Иқтибос Шикоят

Эзоҳ илова кунед