“Мармари зиндаи Качетовка”. Маҳмадисо тоҷики муваффақе дар Новосибирск
“Ведомости”, нашрияи расмии ҳукумати вилояти Новосибирск дар як матлаб, ки “Мармари зиндаи Качетовка” ном дорад, аз муваффақияти Шамсиддинов нақл кардааст. Дар ин матлаб гуфта мешавад, Маҳмадисо Шамсиддинов, падари 13 фарзанд як сол дар бозор кор кардаву иттилоъ ёфтааст, ки ҳукумати вилоят ба манзури дастгирии тавлиди маҳсулоти кишоварзӣ қонуне ба тасвиб расонидааст. Ба ин тартиб, ин муҳоҷири тоҷик бо як шарики русаш аз деҳқони маҳаллӣ чанд хона ва як ангар мехаранд. Соле баъд шарики Маҳмадисо деҳаро тарк мекунад ва 2500 гектар заминро ба ӯ иҷора дода, 29 гектари дигаро моликияти хусусии Маҳмадисо мекунад. Бар иловаи замин, ин марди тоҷик 100 оила занбӯр мехарад ва бо ҳадафи кор мутахассисеро аз Тоҷикистон даъват мекунад, то фарзандашро таълим бидиҳад.
Худи Маҳмадисо ба кори замину чорво машғул шуда ва соли 2014 бо як “бизнес план”-и 5 миллион рублӣ вориди рақобати гирифтани гранти идораи кишоварзии ноҳия шудааст. Ӯ танҳо ба дарёфти 3 миллион муваффақ шуда, бо гирифтани қарз аз бонки “Россельхозбанк” ва чанд талоши худ онро ба 5 миллион расонидаву бо тамоми нерӯ вориди чорвопарварӣ гардидааст. Ба иттилои нашрия, ин марди тоҷик яке аз муваффақиятҳои кори худро дар кумаки фарзандонаш мебинад. Маҳмадмусои 34-сола ва Диловари 28-сола, ду тан аз 13 фарзанди Маҳмадисо ҳамроҳи ӯ дар Новосибирск кор мекунанд. Ӯ гуфтааст, “чӣ хуб аст, ки фарзандонам ба ман кумак мекунанд. Агар пул дар дастам бошад, медиҳам агар набошад на. Онҳо медонанд, ки ин моликияти онҳо ҳам ҳаст”.
Ба қавли Муҳаммадисо, ҳоло дар фурӯши гӯшт ҳам мушкилӣ надорад. Муштариёни домӣ пайдо кардааст: “Дар шаҳр дӯстҳо ва шиносҳои зиёде дорам. Занг мезананд ва аз 50 то 100 кило гӯшт фармоиш медиҳанд”.
Ин фермери тоҷик бозори картошкаи ноҳияашро низ инҳисор кардааст. Имсол барои сифати картошкааш медали тилло ва диплом гирифтааст. Ба гуфтаи Муҳаммадисо, ҳар вақт ки тоҷирони дигар ӯро дар ярмаркае бинанд, зуд аз наздаш дуртар мераванд: “Мегӯянд, боз ҳам туӣ? Мо дар наздат намефурӯшем. Ҳама картошкаи туро мехаранд ва аз мо мемонад”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
