22 сен 2015 14:11Тоҷикистон / Иқтисодӣ

Аминҷони Абдуллозода: Мехоҳам дар Тоҷикистон Маркази омузишии “Рушди бозиҳо” таъсис диҳам

Донишҷӯи тоҷике, ки барандаи озмуни таҳияи бозиҳои компютерии “Microsoft” шуд, ба ин ширкат ба кор даъват шудааст.

Аминҷони Абдуллозода имрӯз, 22 сентябр дар як суҳбати катбӣ ба “Озодагон” гуфт, намояндаҳои ширкати “Microsoft” ба ӯ пешниҳоди ҳамкорӣ кардаанд: “Намояндагони ин ширкат бозии компютерии сохтаи маро таъриф карданд. Гуфтанд, ҳар вақт хоҳам метавонам ба “Microsoft” ҳамкорӣ намоям”.

Абдуллозода, ки донишҷӯйи соли дуюми Донишгоҳи Вистулаи Лаҳистон аст, ахиран аз миёни 25 гуруҳи барномасозон беҳтарин шинохта шуд. Барномаи таҳиякардаи Аминҷон Абдуллозода, “Лазер” ном дошта, давоми 24 соат таҳия шудааст.

Аминҷон мегӯяд, ин шабу рӯз наметавонад ба “Microsoft” биравад, чун машғули тадрис аст, аммо баъд аз нимсолаи хониш барои таҷрибаомӯзӣ ба ин ширкат хоҳад рафт.

Ин донишҷӯйи тоҷик мегӯяд, литсеи тоҷикӣ-туркии шаҳри Кӯлобро хатм карда, гирандаи стипендияи президентии “Дурахшандагон” мебошад: “Вақте синфи 11 мехондам дар олимпиадаи байналмилалӣ дар шаҳри Алмаато ҷойи аввалро гирифтам. Дар маҷмӯъ барои иштирок дар олимпиадаҳо 7 медал гирифтаам. Ҳамин медалҳо сабаб шуд, ки маро ба рӯйхати гирандагони стипендияи президентӣ номнавис кунанд. Аз президенти кишвар ва Вазорати маъориф барои дастгириашон миннатдор ҳастам”.

Аминҷони Абдуллозода мегӯяд, қасд дорад, оянда ширкати худро таъсис бидиҳад: “Ин ширкат ба таҳияи бозиҳои компютерӣ машғул мешавад. Алакай чанд бозиро дорам. Яке аз бозиҳои сохтаи ман “Таърихи Тоҷикистон” аст. Бозиҳои дарсӣ низ дорам, ки дар ҳоли омодашавӣ аст”.

Ӯ меафзояд, ба зудӣ дар “Аpp store”, “Play store”, “Windows store” чанд бозии дигарашро нашр мекунад: “Инчунин мехоҳам дар Тоҷикистон Маркази омузишии “Рушди бозиҳо” таъсис диҳам. Дар марказ хонандаҳои синфи 9-ро ҷалб карда, мутахассис омода кардан мехоҳам. Агар аз се як тоҷики худамон барномасоз шавад, шарт нест, рафта дар ягон ширкат кор кунанд, метавонанд тариқи интернет барнома сохта пахш кунаду маблағ ёбанд”.

Мӯҳр

Хабарҳои монанд:

Салом

Худо муваффакат гардонад. Хело хурснад шудем, аз литсеи турки хам бошад, зодаи Кулоб буданат барои мо фахр аст, Мо бо дехконон мефахрем

Ҷавоб диҳед Иқтибос Шикоят

Алидод

Дигар аз литсехо кадр интизор нашавед, он чи ки буд гузашт

Ҷавоб диҳед Иқтибос Шикоят

Justice

Аввалан муборакбод мегуям! Баъдан гуфтаниям, ки ин точикбача хуб будани сатхи донишомузи дар литсейхои Туркиро исбот кард. Аммо афсус Вазорати моариф онхоро бастанд.

Ҷавоб диҳед Иқтибос Шикоят

Umar Kulobi

Amijon Xudovand muvafaq gardonad Yake az behtarin talabahoi litseyi turki

Ҷавоб диҳед Иқтибос Шикоят

SSam.Ent

Eee gap nest akay Aminjon tabrik moham az shumo xele chiZhoyi ziyod omuxtem mo hamesha nombardori litsehoy turki hastem

Ҷавоб диҳед Иқтибос Шикоят

jurakhon

Ofarin shogirdi aziz, Xudo muvafak gardonad...

Ofarin shogirdi azizam, Xudo muvafakat gardonad va ba niyatu orzuhoyat rasonad..

Ҷавоб диҳед Иқтибос Шикоят

Эзоҳ илова кунед