Фестивали ош: Аз сатркашии хонумон то талош барои як кафгир ош
Хонандаи ин сатрҳо огоҳӣ дорад, ки 22 август дар “Боғи дӯстии халқҳо”-и шаҳри Душанбе бо ширкати 32 шаҳру ноҳияи кишвар даври ниҳойии ҷашнвора-озмуни ҷумҳуриявии “Оши палов” баргузор шуд. Ба хотири пушиши хабарии ин маърака ба макони баргузории он ҳозир шудем. Чанд мушоҳидае ҳаст, ки натавонистам, зикрашон накунам.
Дар даромадгоҳи боғ кормандони милиса занҳои сатрпӯш ва мардони ришдорро иҷозаи вуруд намедоданд. Садои маъмури пулисе ба гӯшам расид, ки мегуфт, “ин чорабинии давлатӣ аст”. Яъне, дар чорабинии давлатӣ бо сатру риш ҳузур доштан мумкин набудааст. Мардони ришдор зиёд эътироз накарда, аз воридшавӣ ба боғ худдорӣ менамуданд. Аммо аксари занҳоро дидам, ки каме дуртар рафтаву сатрҳоро бо рӯймолҳои кутоҳ иваз ва иҷозати дохилшавиро дарёфт мекарданд. Намедонам, дидани маҳфили ош ё ҳаваси чашидани он ин хонумҳоро ба чунин амал водор мекард...
Макони баргузории фестивалро намешавад, идеалӣ гуфт. Чангу хок ва гармии шадид баъзе меҳмонони хориҷиро маҷбур месохт, “чапасар” бигарданд. “Тут не чего интиресного, так жарко” ҷумлае буд, ки на як бору ду бор шунидам. Магар имкон надошт, ин чорабинии сатҳи ҷумҳуриявӣ дар Наврӯзгоҳи пойтахт гузаронда шавад?
Вақте иштирокчиён ба саҳна бо ошҳои худ ҳозир мешуданд, ровиёни маҳфил чанд маротиба ҳайати комиссияро даъват мекарданд. Ҳайати комиссия бошад, бо гузашти муҳлати тӯлонӣ ҳозир мешуд.
Ҳоло аз чангу хок бигзарему сари табақи ош биравем. Баъди сурудхониву рақсу пойкӯбӣ, ки хоси фестивалҳои мо аст, сари дегҳои ош “ҷанг” хест. Ҳар ки мехост ош бихурад ё ош бибарад. Занҳоеро дидам, ки бо карсонҳо ба хонаашон ош бурдан мехостанд. Ҷавонҳое бо дастони урёну бидуни дастпушу кафгир ошро аз дегҳо ба табақҳо мегирифтанд. Аммо бо ин ҳама аҷобати ин саҳна поён наёфт. Ҷавононе барои ҳифзи табақи ош, дохили он туф карданд. Табиист, ин ҳолат сабаби аз ош даст кашидани аксарият мешаваду он ҷавонон “боҳузур” онро нуши ҷон мекунанд.
Хулосаи ман ин буд, ки барои бештари мардуми ҷамъомада на таърихи ошу навъҳои он ва на тарзи омода кардани ин таъом муҳим набуд. Барои онҳо ҳарчи зудтар ва бо кадом роҳе набошад сер кардани ишкам буд. Фикр кардам, беҳтар набуд, ки баъди аз сӯи ҳакамон баҳогузорӣ шудан, дегҳои ош ба хонаи ятимону бепарасторон бурда мешуд? Ё ақалан ҳар ноҳия дар ҳамин ид як ҷуфт ҷавонро бо ҳам хонадор мекард.
Дар ду кишваре, ки солҳои охир зиндангӣ кардам, мушоҳида намудам, вақте оши бепул медоданд, мардум навбат меистод. Касе бо касе ҷанг намешуд ва касе барои оши бештар талош намекард.
Ва дар охир. Ҳадафи ҳукуматро дар бораи ба “Юнеско” дохил кардани ош ва рақобаташ дар ин замина бо Узбакистон мефаҳмем, аммо дар шароите, ки ҷаҳон дар гирдоби буҳрони молиявист, бояд ҳар амал ва иқдом хуб таҳлил ва санҷида шавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
