20-сол боз системаи обёрӣ кор намекунад

Бо мақсади кӯмак ба кормандони бахши кишоварзӣ ва рушди ин соҳа, тибқи лоиҳаи «Беҳдошти муҳити зисти вилояти Хатлон» ба ноҳияи  Муъминобод 10-адад трактори тамғаи МТЗ бо маблағи беш 465-ҳазор доллари амрикоӣ  ворид гардидаст.

Дар ин бора ба «Озодагон» Сафаралӣ Зокиров, раиси ноҳия иттилоъ дод. Бино ба қавли ин манбаъ дар ояндаи наздик вуруди боз 19-адад трактор  дар назар аст.  Дар ҳоли ҳозир дар ноҳия ба миқдори наздик ба 300-гектар боғоти нав ва 9- гектар токзор бунёд ёфта, шинондани ниҳол ва бунёди боғ идома дорад. Тибқи нақшаи пешбинишуда, дар соли 2011-ум бунёди боғ дар майдони 167-гектар пешбинӣ шуда буд.
Зокиров мегӯяд, то охири мавсим масоҳати боғзорро то ба 300-гектар мерасонанд. Бояд гуфт, яке аз мушкили асосӣ барои кишоварзон, ин камбуди об ва дар ҳамин маврид, обёрии заминҳои лалмӣ мебошад. Инро ба инобат гирифта, масъулини ноҳия дар якҷоягӣ бо мардуми бумӣ низоми  ирригатсиониро бо таври ҳашар барқарор намуда, заминҳои аз обӣ ба лалмӣ табдилёфтаро аз нав барқарор карда истодаанд. Гуфта мешавад,  системаи обёрӣ  ҳанӯз тақрибан 20-сол муқаддам вайрону корношоям гашта буд. Мӯҳр