07 июл 2015 12:49Тоҷикистон / Сиёсат

“Мақсади ёрдамчии президент ҷавон кардани синни хизматчиёни давлатист...”

Ҷумахон Давлатов, директори Агентии хизмати давлатии назди Президенти Ҷумҳурии Тоҷикистон мегӯяд, дастури ахири Асадулло Раҳмон, ёрдамчии раисиҷумҳур оид ба кадрҳо, барои озод кардани нафақахӯрону маъюбон аз кор дар ниҳодҳои давлатӣ ба ҷавон кардани синни хизматчиёни давлатӣ равона шудааст.

Ҷаноби Давлатов имрӯз, 7-уми июл зимни нишасти матбуотӣ дар Душанбе дар шарҳи дастури Асадулло Раҳмон барои озод кардани маъюбону нафақахӯрон аз кор дар ниҳодҳои давлатӣ афзуд, “бархе аз кормандон мубталои бемориҳо буданд, ки барояшон кор кардан мумкин нест”.

Ба таъкиди Давлатов, маъракаи аз кор гусел кардани нафақахӯрон танҳо ба хизматчиёни давлатӣ рабт дошта, нафақахӯрҳо дар соҳаи илму маориф ва тандурустӣ метавонанд корашонро идома диҳанд.

Ӯ илова намуд, аз қариб 500 нафақахӯре, ки хизматчии давлатӣ буданд, феълан ҳамагӣ 8 нафар боқӣ мондаанд: “Аз миёни 18 ҳазору 582 хизматчии давлатӣ айни ҳол 4 ҳазору 414 нафар занон ва 7 ҳазору 968 нафарро ҷавонони то синни 35 сола ташкил медиҳанд. Шумораи занон 21 нафар ва ҷавонон нисбати соли гузашта 136 нафар афзудааст”.

Давлатов дар мавриди омори фарзандони мансабдорҳое, ки феълан дар хизмати давлатӣ қарор доранд, изҳор дошт, ки ҳисоби мушаххасе рӯи даст нест. Ӯ илова намуд, ки ояндаи наздик ин масъаларо мавриди омӯзиш қарор медиҳад ва оморро пешкаш хоҳад кард.

Мӯҳр

Хабарҳои монанд:

Мархабо

Асадулло нодуруст кор мебарад. чавон аз чавон аз замин то осмон фарк мекунад, хастанд чавонони босаводу богайрат онхоро Асадулло намедонад вале хастанд чавонони бетачрибаву бехираду беадаб каму беш дониши нопурра доранд онхоро сохиби вазифа карда балои коргарон кардааст.

Ҷавоб диҳед Иқтибос Шикоят

шахрванд

о нафакахур бошанд, раванд ба нафака. бо тарбияи набераву абера шаванд. е он ки креславу кабинет аз бобошон мондагияй? е сутуми кок шуда шиштаниянд?

Ҷавоб диҳед Иқтибос Шикоят

Сиесат

Э сисатмадорон бовар кунед , хозир хам дер нашудааст ба кадри кадрхои лаекатман е ташкилотчи расед? Ба мисли и Рохбари Дастгох такдири садхо кормандони богайрат ва шучорро бо хамшарикаш Дусмурод бе асос аз Дастгох ронд! Ва аз забони Шоири бузург гуфтаниям
Хофизо сабр кун ба сахтии Рузу Шаб,
Окибат дареби комро!

Ҷавоб диҳед Иқтибос Шикоят

Арифметика

Рост мегуен Чаноб! мумкин фарзандони мансабдорон дар хоричи кишвар тахсилкарда хатм кадаанду чои кори онхоро интизор бошад!?
Бечорахо бо дипломи "АЪЛО"-и Точикистон дар Русия мардикори карда ШУКРОНА карда меистанд!!!!!

Ҷавоб диҳед Иқтибос Шикоят

Нафакахур

Супориши Рохбари Дастгохи ичроияи Президент оё ба мухтарам Сафарали Начмиддинов дахл надорад, ки то хол дар вазифаи Директори Агентии сугуртаи ичтимои ва нафакаи назди Хукумати Чумхурии Точикистон фаъолият намуда истодааст. Ин савол ба Чаноби Чумахон Давлатов пешниход мегардад. Озодагон озод боши нашр кун ва ба Давлатов пешниход кунед бигузор чавоб дихад. Агар тарс дошта бошад майлаш чавоб надихад.

Ҷавоб диҳед Иқтибос Шикоят

беном

Супориш барои

Ҷавоб диҳед Иқтибос Шикоят

Абдулло

Бародарон ба кадри мардони тачрибадор расед! Такя ба чавононе ки орзуи мошину дачаву сарват мекунанд, хело такя накунед. чавон чавон аст.

Ҷавоб диҳед Иқтибос Шикоят

Эзоҳ илова кунед