06 июл 2015 12:24Тоҷикистон / Сиёсат

Нуриддин Саид "дархост"-и Эрдуғон барои бастани литсейҳои Гюленро рад кард

Нуриддин Саид, вазири маориф ва илми Тоҷикистон имрӯз, 6-уми июл зимни нишасти матбуотӣ дар Душанбе иттилоъ дар мавриди дархости Раҷаб Тайиб Эрдуғон, раисиҷумҳури Туркия, ки гӯиё аз Тоҷикистон бастани литсейҳои туркиро хостааст, рад кард.

Вазири маорифи Тоҷикистон гуфт, ҳеч дархосту дастуре барои бастани литсейҳои туркиро нагирифтаанд ва дар кишвар танҳо номи ин муассисаҳо иваз мешавад. Ба гуфтаи вазир ин муассисаҳо минбаъд бо номи мактаби хонандаҳои болаёқат фаъолияташонро идома медиҳанд ва агар омӯзгорони турк бихоҳанд, фаъолияташонро дар ин муассисаҳо идома диҳанд, онҳоро бо кор таъмин хоҳанд кард.

Қаблан Вазорати маориф ва илми Тоҷикистон аз поён ёфтани шартномаи фаъолияти литсейҳои туркӣ, ки таҳти пуштибонии ширкати “Шалола” дар кишвар фаъолият мекунанд хабар дод ва баъдан масъалаи тағйири номгузорияшонро ба миён гузошт. Ба иттилои ин ниҳод “Шалола” дорои 6 литсей дар Душанбе, Қӯрғонтеппа, Турсунзода, Кӯлоб ва Хуҷанд буда, инчунин литсейи байналмилалии Душанбе низ ба он тааллуқ дорад.

“Шалола” ба ҳаракати “Хизмет”-и рӯҳонии фирории турк Фатҳуллоҳ Гюлен марбут дониста мешавад, ки феълан аз ҷониби ҳукумати Раҷаб Эрдуғон дар пайгарди байналмилалӣ қарор гирифтааст. Қаблан расонаҳои туркӣ навиштанд, ки Раҷаб Тайиб Эрдуғон аз мақомоти кишварҳои гуногун, аз ҷумла Тоҷикистон хостааст, то мактабҳои Гюленро банданд, аммо вазири маорифи Тоҷикистон ин иттилоъро рад намуд.

Мӯҳр

Хабарҳои монанд:

said

Мо аз ин литсейхо кадрхои содик барои ин сарзамину , миллату, адвлат намегирем. Бигзор баста шаванд. Маорифи худро бокувват кардан лозим аст ! Ягон давлат барои мову шумо ройгону бе хадаф кадр омода намекунад!

Ҷавоб диҳед Иқтибос Шикоят

Форс

ба Саид! Ин литсейхо магар кисмати чудонашавандаи маорифи кишвару муаллимону толибилмони он мардуми ин кишвар не? Дар хакикат ба мардуми точик аз Худованд як чиз расида - хасудиву бахили! Дигар ин гуна точик будан намехохам, миллати ман минбаъд форс аст!!!

Ҷавоб диҳед Иқтибос Шикоят

Ба Форс

Бародар. Ман худам корманди Вазорати маорифи ЧТ. Ин литсейхо пантуркист тайёр мекунаду халос. Инро нагз медонам!

Ҷавоб диҳед Иқтибос Шикоят

Сино

Бигзор мисли пештара фаъолият кунанд ... Ино ай Точикой порахурда хубтаран!

Ҷавоб диҳед Иқтибос Шикоят

МАХВАШ аз ХАТЛОН

Ин литсехои турки давоми хамон сиесати пантуркистист.Баъд аз як чанд сол таъсири ин сад дар сад маълум хохад шуд.Хеч як давлате барои бехбудии миллати дигар кор намекунад, хама вакт манфиатхои миллии худро дар мади аввал мегузорад. Агар бо хамин кадрхои дар Туркия омодашудаги сухбат намои маълум мегардад,ки баъзе аз онхо идеалогияашон дигар шудаги ва зидди манфиатхои миллии худ сухан мегуянд. Кас ариями онхо мутахасиси ботачриба ШУДА дар ТУРКИЯ кор менамояд на барои давлати худ.

Ҷавоб диҳед Иқтибос Шикоят

Ромиз

ман хонандаи гимназияи1-и н.Восеъ астам... Дар дохили мактаби мо антенаи мавчпахшкунан насб шудааст. Мо медонем ,ки ин ба саломатии мо зарари бузурге дорад ва аз шумо хохиш дорем, ки зудтар чорае андешед!

ман хонандаи гимназияи1-и н.Восеъ астам... Дар дохили мактаби мо антенаи мавчпахшкунан насб шудааст. Мо медонем ,ки ин ба саломатии мо зарари бузурге дорад ва аз шумо хохиш дорем, ки зудтар чорае андешед!said,
[center][/center]

Ҷавоб диҳед Иқтибос Шикоят

Эзоҳ илова кунед