19 май 2015 16:55Тоҷикистон / Сиёсат

Ҳафиз Холиқзода аз Маркази оянданигарии академия рафт

Ҳафиз Холиқзода, директори Маркази омӯзиши равандҳои муосир ва оянданигарии илмии Академияи илмҳои Тоҷикистон аз мақоми худ канор рафтааст.

Ҳафиз Холиқзода рӯзи 19 май бо таъйиди ин хабар ба “Озодагон” гуфт, бо хоҳиши худ аз вазифа рафт. Ӯ далели аслии ин тасмимашро "машғул шудан ба корҳои илмӣ ва эҷодӣ" гуфт. Ба қавли ҷаноби Холиқзода, ӯ ҳамчун узви маҳфили “Ҷаҳони андеша” боқӣ мемонад, вале ба Маркази омӯзиши равандҳои муосир ва оянданигарии илмии АИ ҶТ дигар ҳеч робитае надорад.

Дар ҳамин ҳол, Шодӣ Атоӣ, ки то ин вақт ба ҳайси муовини директори маркази мазкур ифои вазифа мекард, дар суҳбат ба “Озодагон” гуфт, ӯ низ аз вазифа канор рафтааст.

Ҳафиз Холиқзода мегӯяд, дар мавриди раҳбарияти нави марказ ҳоло маълумоте дар даст надорад.

Маркази омӯзиши равандҳои муосир ва оянданигарии илмии АИ ҶТ соли 2014 дар Академияи улум таъсис ёфт ва бо мавзеъгириҳои мутафовити худ дар баробари Ҳизби наҳзати исломи Тоҷикистон ва дини Ислом дар татқиқоти худ ва расонаҳо маъруф гардид. Маркази мазкурро бархе аз расонаҳои Тоҷикистон ҷузъе аз “фабрики ҷавоб”, ниҳоди номушахасе, ки дар навиштаҳои худ мухолифин ва дигарандешонро саркӯб мекарданд, медонистанд. Вале, ҷаноби Холиқзода дар як суҳбати ихтисосӣ бо “Озодагон” ин иддаҳоҳоро рад кард.

Мӯҳр

Хабарҳои монанд:

одам

бисёр хабари оли, як човандоз гум шуд

Ҷавоб диҳед Иқтибос Шикоят

оксакол

Худованди таоло аъзои бокимондаи ин махфил хои зиддидиниро хидоят кунад. Омин

Ҷавоб диҳед Иқтибос Шикоят

хУДО ОҲИСТА-ОҲИСТА МЕЗАНАД!!!

Ҷавоб диҳед Иқтибос Шикоят

Рустам

Холикзода аз ухдаи кор набаромад. Ба гайр аз танкиди ХНИТ ягон гапи дигар наёфт. Осон нест дар ин марказ кор кардани чунин олимчахо.

Ҷавоб диҳед Иқтибос Шикоят

Довуд

Ба Оксакол

Илохи Омин

Ҷавоб диҳед Иқтибос Шикоят

Довуд

Ҳафиз Холиқзода рафта корро дар Марказхои аналитикии хорича омухта баъд омада корро дар Точикистони азиз сар кун.
Охир этикаи илмиро хам бо кормандони худ фаромуш карди.
Ба чои он, ки оядаи миллатро аз назари ителлектуали фикр куни ба ХНИТу муллохои бечора кор гирифти.
Як бор бо кормандони худ фикр накарди, ки СССР барои чи Рухониёни саршиноси точикро дар солхои аввали баркароршавии СССР махву нобуд карданд????. Хусусан дар минтакаи Кулоб Рухониёни босавод зиёд буданд. Хамаашон гурехта ба тарафи Афгонистон ва аз он чо ба ПОкистону Арабистони Сауди хичрат намуданд. Имруз набераю аберахои онхо зиндаанд.
Ҳафиз Холиқзода аз таърих ибрат омухтан лозим.

Ҷавоб диҳед Иқтибос Шикоят

Фахмида

Охир шуморо ки гуфт, ки бар зидди унвони "пешвои миллат" бароед?

Ҷавоб диҳед Иқтибос Шикоят

Эзоҳ илова кунед