19 мар 2015 14:12Ҳуқуқи инсон

12 соли зиндони сокини шаҳри Кулоб барои паҳни равияи «Таблиғ» дармасҷидҳо

Мавзуна АБДУЛЛОЕВА

Додгоҳи ноҳияи Исмоили Сомонии шаҳри Душанбе як сокини шаҳри Кулоб вилояти Хатлонро бо гуноҳи дар фаъолияти ташкилоти экстремистӣ, ғайриқонунӣ гирифта гаштани яроқ 12 соли зиндон дар коллонияи ислоҳии дорои низомаш пӯрзур маҳрум кард.

Додгоҳи Исмоили Сомонии шаҳри Душанбе Амрохон Эргашови 41 соларо бо се модда бо моддаи 3073 қисми 2,( Ташкили фаъолияи ташкилоти экстремистӣ (ифротгароӣ)), бо моддаи 187 қисми 2 (Ташкили иттиҳоди ҷиноятӣ (ташкилоти ҷиноятӣ)), бо моддаи 195 қисми 3 (Ғайриқонунӣ соҳиб шудан, ба дигарон додан, ба соҳибияти каси дигар додан, нигоҳ доштан, интиқол додан гирифтани яроқ, лавозимоти ҷангӣ, моддаҳои тарканда ва воститаҳои таркиш) КҶ ҶТ,- гунаҳкор эътироф гардида, бо назардошти мавриди афв қарор гирифтан, сеяки муҳлати ҷазои ӯ кам карда мешавад.

Зимни қироати ҳукм судя Раҷабзода Ҳотам қайд кард, Амрохон Эргашови соли 2005 дар «Ҷамъияти таблиғ»-и шаҳри Райванди Давлати Исломии Покистон таълимоти динии равияи «Таблиғ»-ро омӯхта бо мақсади паҳн намудани ин таълимот ба Ҷумҳурии Тоҷикистон баргашта ва дар масҷидҳои шаҳрҳои Кулоб ва Душанбе ба шаҳрвандон Фаёзов Бахтиёр Хайруллоевич, Юсуф, Билол, Сафар ва дигар шаҳрвандони шахсияташон номаълум ва дар байни омма таълимоти динии равияи манъшударо паҳн намуда барои шомил шудан ба ин ҷамъият даъват намудааст. Бо қарори Суди Олии Тоҷикистон «Ҷамъияти таблиғ» ҷамъияти террористӣ ва экстремистӣ (ифротгароӣ) эътироф карда шуда, фаъолияташ дар ҳудуди Тоҷикистон манъ карда шудааст.

Ғайр аз ин, ӯ соли 2009 бо мақсади иштирок намудан дар амалиётҳои ҷангӣ ба муқобили сохти констутсионии Тоҷикистон ба ноҳияҳои Дарвоз ва Тавилдара яроқи оташфишони автомати «Калашников» ва лавозимотҳои ҷангиро ғайриқонунӣ соҳиб шуда, бо худ нигоҳ дошта, интиқол дода, гирифта гашта, ба иттиҳоди ҷиноятӣ ё иттиҳоди ташкилотчиён, роҳбарон ва ё дигар намояндагони гуруҳҳои муташаккили Раҳимов А. ва Азизов Н.С., ки ин иттиҳоди ҷиноятиро бо мақсади бо роҳи эълон намудани ҷиҳод ғасб намудани ҳокимияти давлатӣ дар Тоҷикистон аз ҳисоби собиқ тарафдорони қувваҳои мухолифин созмон додаанд, шомил шуда, ба муқобили сохти констутсионии Тоҷикистон ҷангидааст. Пас аз ин аз соли 2009 то инҷониб ба шаҳри Бишкеки Ҷумҳурии Қирғизистон рафта, дар он ҷо паноҳ бурда, истиқомат карда, миёнаҳои моҳи ноябри соли 2014 аз ҷониби мақомотҳои дахлдори Ҷумҳурии Қирғизистон ба Тоҷикистон хориҷ (депортатсия) карда шудааст.

Гарчанде, ки судшаванда Эргашов Амрохон дар содир намудани ҷиноят худашро қисман гунаҳгор ҳисоб намояд ҳам гуноҳи ӯ бо нишондоди шоҳидон Фаёзов Б., Саидова Б.,ва Шафиева М.Ҳ., ки дар мурофиаи судӣ нишондод доданд инчунин шоҳидоне, ки дар рафти пешбарди тафтиши пешаки нишондод доданд Азизов Ҳ.Ф., Азизов З.С., ва Абдусамадов Б.А., ба ғайр аз боз бо дигар маводҳои парванда аз ҷумла, ҳукми суди Олии Ҷумҳурии Тоҷикистон аз 14 –уми ноябри соли 2010, нисбати Азизов Ҳ.Ф. ва дигарон, ҷамъ 46 нафар, ки мувофиқи он ба парвандаи ҷиноятӣ ҳукми эътибори қонунӣ пайдокарда оиди ҳолатҳои муқараргардида ва ҷиноятҳои содирнамудаи айбдоршаванда Эргашов А.Қ. мавҷуд мебошад. (в.к.77-152), протоколи нишондиҳи аз руи сурат аз санаи 19-уми декабри соли 2014, ки мувофиқи он ҳангоми нишондиҳии суратҳо барои шинохтан шоҳид Азизов Ҳимкматулло Саъдуллоевич, айбдоршаванда Эргашов Амрохон шинохт ва дигар маводҳои парванда, ки аз ҷониби суд мавриди тақиқ ва муҳокима қарор дода шудааст ба пурраги исботи худро ёфтааст.

Бино ба иттилои Кумита оид ба корҳои дин, танзими анъна ва ҷашну маросимҳои миллии назди ҳукумати Тоҷикистон айни замон дар макотиби олии исломии кишварҳои хориҷӣ ҳамагӣ 158 нафар донишҷӯёни тоҷик боқӣ мондаанд. «Донишҷӯёне, ки ба ватан баргардонида шуданд, дар муассисаҳои таълимоти динии кишварҳои Эрон, Арабистони Саудӣ, Либия, Миср ва Покистон таҳсили илм мекарданд.

Кумита бо Вазорати корҳои дохилӣ дар ин самт ҳамкорӣ дорад, то ки ҷавононро аз донишгоҳҳои хориҷӣ ба ватан баргардонад. «Ҳамин тариқ, бо супориши президент аз соли 2010 то ба имрӯз ба ҳукумати ҷумҳурӣ муясссар гардид, ки аз 3054 нафар донишҷӯёни тоҷики дар кишварҳои хориҷӣ бо ихтисосҳои динӣ таҳсилдошта 2896 нафарашонро ба ватан баргардонад.

Мӯҳр

Хабарҳои монанд: