Дар бинои марказии ҲНИТ ёдбуди Устод Раббонӣ баргузор шуд

Муҳиддин Кабирӣ зимни суханронӣ иброз дошт, ки устод Раббонӣ нафаре буд, ки барои ҳар як тоҷики тоҷикистонӣ шиностар аз ҳамсояву хешу табораш аст. Ӯ ҳукми падарӣ барои садҳо ҳазор муҳоҷирини тоҷикро дошт.

Шамсулҳақи Ориёнфар, Раҳимпури Асғарӣ ва ҷаноби Абдулҳодӣ Аванк низ суханронӣ намуда, аз Устод Раббонӣ ёдоварӣ карданд. Ориёнфар гуфт, ки ӯ ҳамеша дар ҳама ҷабаҳо ва маҷолис дар тӯли ҷил соли ахир пешво ва раҳбари тамоми ақвоми Афғонистон буд. «Дар ҳама ҷо агар намояндагони тамоми миллату қавмҳои Афғонистон ҷамъ мешуданд ва агар устоди шаҳид иштирок медошт ҳатман роҳбар ӯро интихоб мекарданд».

Иштирокчиёни ҳамоиш террорро дар ҳар шакле, ки набошад маҳкум намуданд. Ёдбуд бо тиловати Қуръони Карим поён ёфт.{jathumbnail off}