13 янв 2015 16:50Оcиёи Марказӣ / Тоҷикистон

Даргузашти генерал Азаматов, яке аз муҳофизони сохти конститутсионӣ

Генерал Вайсиддин Азамотов, муовини аввали раиси Оҷонсии назорати маводи нашъаовари назди раисиҷумҳури Тоҷикистон, имрӯз, 13 январ, пас аз бемории тӯлонӣ дар синни 63-солагӣ аз олам чашм пӯшидааст.

Дар ин бора ба “Озодагон” аз Оҷонсии маводи нашъаовар хабар дода, афзуданд, ки генерал Азаматов яке аз муҳофизони сохти конститутсионӣ дар солҳои 90-уми асри гузашта буд.

Ба иттилои манбаъ Азаматов Вайсиддин Азаматович 25 декабри соли 1952 дар ноҳияи Данғараи вилояти Хатлон таваллуд шудааст. Аз соли 1971 то 1973 дар сафи Қувваҳои Мусаллаҳи ИҶШС дар Қазоқистон хизмат намудааст. Аз соли 1979 то 1983 дар Мактаби олии Ҳизби коммунистии Иттиҳоди Шӯравӣ дар Тошканд таҳсил карда, аз соли 1984 то 2001 дар вазифаҳои гуногун дар Вазорати корҳои дохилии Ҷумҳурии Тоҷикистон фаъолият доштааст.

Ба кор дар Агентии назорати маводи нашъаовари назди Президенти Тоҷикистон дар вазифаи сардори Раёсат дар вилояти Хатлон соли 2001 оғоз кардааст ва аз соли 2007 то инҷониб дар вазифаи муовини аввали Директор фаъолият намудааст.

Ҳайати эҷодии “Озодагон” низ дар қатори ҳайати кормандони Оҷонсии назорати маводи нашъаовар ба хешовандон ва наздикони генерал-майори марҳум изҳори ҳамдардӣ карда, барояшон аз даргоҳи Худованд сабри ҷамил хоҳон аст.

Мӯҳр

Хабарҳои монанд:

Салимшох

Ба ахлу байти Генерал, хамдарди баён менамоям.

Ҷавоб диҳед Иқтибос Шикоят

dyfbvirenvie

Худо рахматаш кунад, инсони хуб буд, лекин умуман савод надошт, овозашам модарзод гирифта буд, сиёсат ва аклу фаросатро бомба мефахмид,кисаи кормандонро кофта сумашонро мегирифт, дар фикри ватану халк набуд, зеби рохбари ва генерали надошт.

Ҷавоб диҳед Иқтибос Шикоят

субхон

Ба ахлу байти генерал хамдарди худамро баён менамоям

Ҷавоб диҳед Иқтибос Шикоят

Чоми-Кулоб

Аз Худованд талаб мекунам,ки чояш чаннат бошад ва рухаш шод...Мархум хело инсони хуб буданд,хакпарасту хакчу,тарбиятгари хело оли буданд,ватандусту ватанпарвар рохбари ботамкину ботахамул...Дилам дар катори наздиконаш гамгин гаштааст,аммо чи илоч насиби хама одамизод бо вакту соат хайрбоди ин олам аст....ба хешовандон ва наздикони генерал-майори махрум устоди азизам изхори хамдарди баён намуда барояшон сабри чамил хохонам.

Ҷавоб диҳед Иқтибос Шикоят

Эзоҳ илова кунед