13 янв 2015 12:23Тоҷикистон / Дин ва зиндагӣ
Тураҷонзода дар бораи “кризис”: Ин ғазаби Худо нест, кори бандагони саркашу золим аст
Ба назари руҳонии маъруфи тоҷик, буҳрони иқтисодие, ки ҳоло болои мардум омадааст, кори дасти баъзе аз бандагони саркаш ва золими мебошад: “Имрӯз, ки буҳрон болои мардум омада аст, қаҳтӣ ва азоби илоҳӣ нест. Балки ин зулми золимон ва мутакаббирон (Масонҳо ва навкаронашон) аст, ки мардуми бечораро зулм мекунанд.”
Тураҷонзода ин ҳарфҳоро дар посух ба суоли корбари торнамои Turajon.org баён доштааст. Ин корбар пурсидааст, “имрӯзҳо қариб тамоми мамолики дунёро буҳрони иқтисодӣ фаро гирифта, бисёртар ба давлати Руссия таъсири манфии худро расонид, ки ба Тоҷикистон низ бетаъсир намонд ва омадани чунин ҳолатҳо, яъне буҳрони иқтисодӣ бо хости Худованд амалӣ мешавад?” Қозии пешини мусулмонони Тоҷикистон дар шарҳи гуфтаҳояш афзудааст, буҳрони ахири иқтисодӣ болои мардум замоне қомат афрохта, ҳукумфармо шудааст, ки осомон аз боридан ва замин аз рӯйидан боз намондааст: “Аз замин оташ набаромада ва аз осмон санг партоб нашуда аст, ки мову шумо гӯем Худо бар мо ғазаб карда ин буҳронро оварда бошад.”
Ҳоҷӣ Акбар Тураҷонзода аз ин корбари торнамои хонаводагияшон хостааст, ин гуна буҳронҳоро азоби Худованд надонанд ва кори дасти бандагоне ҳисобанд, ки зиндагиро барои бандагони дигар танг мекунанд: “Албатта, ин золимон ва ин мустакбирон, ки мардумро зулм доранд ва зиндагии мардумро танг кардаанд, пеши Худо ҷавоб хоҳанд гуфт. Вале набояд фаромуш кард, ки оммаи мардум низ (бо сукут кардан ва ҳақҳояшонро талаб накардан) сабабгори мустакбир шудани онҳо шудаанд.”
Ба қавли ӯ, Худованд бо фиристодани охирин пайғамбари худ - Муҳаммад (с) азоби умумие, ки ба қавму пайравони пайғамбарони пешин раво медид, бардоштааст ва “то замоне дар дунё ҳаёт доранд, амал кунанд. Ҳисобу китобро ба охират монда аст.”
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
