03 дек 2014 12:03Тоҷикистон / Иҷтимоӣ
Задухӯрди нави мусаллаҳона дар “Ниводак” ва даъвати Кумитаи амният
Тибқи иттилои ин ниҳод, задухурди нави мусаллаҳона дар Ниводак 29-уми ноябр миёни амниятиҳо ва қочоқбари маъруфи афғон рух додааст.
Манбаъ мегӯяд, амниятиҳо иттилоъ гирифтанд, ки Ғулом Ҳусайн валад Амирмуҳаммад бо тахаллуси Ҳабибулло ният дорад тавассути сарҳади давлатӣ аз рустои Ношаки волусволии Шуғнони Афғонистон ба деҳаи Ниводаки ҷамоати Дарморахти вилояти Бадахшони Тоҷикистон ҳаҷми махсусан калони маводи мухаддиро интиқол диҳад: “Зимни амалиёти муштараки мақомоти тоҷик Ғулом Ҳусайн валади Амирмуҳаммад дар посух ба амри низомиёни тоҷик аз силоҳи оташфишон тир кушода бо истифода аз паст будани сатҳи ҷараёни оби дариёи Панҷ ба самти Афғонистон фирор кардааст. Аз ҷои ҳодиса дар 52 халта ба миқдори 22 кило маводи мухаддир дарёфт гардид.”
Кумитаи амнияти миллӣ мегӯяд, аз рӯи ин ҳодиса парвандаи ҷиноӣ оғоз гардида, тафтишот идома дорад. Ин задухурди нав дар деҳаи Ниводак дар ҳолест, ки шаби 4 ба 5 августи соли равон аз ин маҳалла ҷасади ду ҷавон- Сайёд Охонқадамов -- сокини маҳаллаи УПД ва Далер Хушдилов --сокини маҳаллаи Бархоруғи Хоруғ ёфт шуд, ки бо истифода аз силоҳи оташфишон кушта шуда буданд. Инчунин баҳори соли равон дар Ниводак силоҳи оташфишон дарёфт ва мусодира гардида буд. Куштори генерал Абдулло Назаров, сардори собиқи раёсати Кумитаи амнияти миллии Тоҷикистон дар вилояти Бадахшон низ рӯзи 21 июли соли 2012 дар мавзеи “Ниводак” рух дода буд.
Дар ҳамин ҳол Кумитаи амнияти милллӣ аз афзоиши убурҳои ғайриқонунӣ дар сарҳади Бадахшони Тоҷикистон бо Афғонистон хабар дода, аз сокинон даъват намудааст, ки бо мақомот дар самти мубориза бо қочоқчиёни ҷинояткорон ҳамкории бештар кунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
