18 авг 2014 12:19Тоҷикистон / Иқтисодӣ

Мансаби нави Музаффар Исҳоқов ва Толиб Раҳимов

Музаффар Исҳоқов - собиқ директори ширкати "Тоҷик Эйр" сардори нави Раёсати сармоягузорӣ ва идораи амволи давлатии шаҳри Душанбе таъин шудааст. Исҳоқов ба ин курсӣ дар пайи як тағйироти кадрӣ бо дастури Маҳмадсаид Убайдуллоев - шаҳрдори Душанбе нишастааст.

Ӯ, ки дар гузашта ҳамчун ёвари раиси ҷумҳури Тоҷикистон кор кардааст, аз моҳи январи соли 2011 то соли 2012 ширкати ҳавопаймоии "Тоҷик Эйр"-ро дар ихтиёр дошт. Музаффар Исҳоқов як замон ба ҳайси раҳбари ширкати хусусии "Сомон Эйр" низ кор кардааст.

Дар давраи кӯтоҳи раҳбарии Исҳоқов дар “Тоҷик Эйр” дар бораи фаъолияту бархӯрдҳои ӯ бо кормандони ин ширкати ҳавопаймоӣ баҳсҳои зиёде буданд. Аз ҷумла, қабл аз барканории ӯ ҳудуди 50 корманди “Тоҷик Эйр” нисбат ба ӯ норизоӣ карда, гуфта буданд, раҳбари ширкат ба хотири манфиати молӣ диданаш ба фиреби мусофирон даст мезанад.

Дар пайи тағйироти ахири шаҳрдорӣ Толиб Раҳимов сардори нави Раёсати ҳифзи муҳити зисти шаҳри Душанбе таъин шудааст. Қаблан, Абдусалим Ҷӯраев -- сардори Раёсати ҳифзи муҳити зисти шаҳри Душанбе ба “таъмин накардани назорати дахлдор оид ба барориши саривақтии партовҳои сахти маишӣ аз ҳудуди шаҳр” аз мансабаш барканор шуда буд.

Мӯҳр

Хабарҳои монанд:

Саид

Кадрхои арзанда!

Ҷавоб диҳед Иқтибос Шикоят

Номус

Саид, Кадрхои сузанда мегуфтетон дурустар буд, боз чи кор мекунанд як бор дузиданд боз вазифа гирифтаанд, хеч гап набудаст гуфта боз медузданд- дия

Ҷавоб диҳед Иқтибос Шикоят

Тахавулот

Шояд дар масъалаи кор сахтгир бошад. Одатан дар корхонахои давлати, дуздхо ва дуруябозхо ин хел кадрхоро нагз намебинанд.

Ҷавоб диҳед Иқтибос Шикоят

роза

исоков хамчун мутахассис бехтарин хаст, табрик.

Ҷавоб диҳед Иқтибос Шикоят

Бузург

Музафар Исхоков дар хакикат иктисодчи хуб ва рохбари окилу доно мебошад. Вазифаи нав ба эшон арзанда ва муборак бошад!

Ҷавоб диҳед Иқтибос Шикоят

tojik

ishokov kadri behtarin ast.somon eir-ro hamin odam tartibashro behtar kard.