14 авг 2014 11:02Тоҷикистон / Иҷтимоӣ

Узрхоҳии мақомот аз сокинон барои баста будани роҳҳо

Раёсати корҳои дохилии шаҳри Душанбе барои баста будани баъзе аз роҳҳои асосии пойтахт аз сокинону ронандагон маъзаратхоҳӣ кардааст.

Ин ниҳод мегӯяд, бо ҳадафи таъмири роҳҳо дар остонаи ҳамоиши сарони кишварҳои узви Созмони Ҳамкории Шонгҳой ҳаракат дар чорроҳаи кӯчаҳои Рӯдакӣ-Бухоро, хиёбони Рӯдакӣ (минтақаи назди меҳмонхонаи Авесто) ва кӯчаи Исмоили Сомонӣ (минтақаи аз буриши кӯчаи Рӯдакӣ-Исмоили Сомонӣ то кӯчаи Сино) манъ карда шудааст. Ин ҳамоиш рӯзҳои 11-12 сентябри соли ҷорӣ дар Душанбе баргузор хоҳад шуд.

“Ба ҳамин сабаб, аз ронандагони воситаҳои нақлиёт ва меҳмонони пойтахт барои нороҳатиҳои муваққатӣ маъзарат пурсида, аз онҳо хоҳиш карда мешавад, дар ин рӯзҳо аз кӯчаҳои ҳамшаффат, яъне кӯчаҳои Шероз, Бухоро, Исмоили Сомонӣ, Турсунзода, Шевченко, Садриддин Айнӣ, Саъдии Шерозӣ, Ҳофизи Шерозӣ, Карамова, Сино, Нусратулло Махсум истифода баранд”,-гуфта шудааст дар торнамои Раёсати умури дохилии Душанбе.

Мӯҳр

Хабарҳои монанд:

Sheri Zamon

Намешид ҳамин ҳадафи таъмири роҳҳо дар остонаи ҳамоиши сарони кишварҳои узви Созмони Ҳамкории Шонҳой ҳаракат дар чорроҳо ва кӯчаҳоро барвақтар, як моҳ пеш не, се моҳ пеш сар мекарден, халқи бечора дар азоб мондаги. Фикри халқро ҳам кардан даркор.

Ҷавоб диҳед Иқтибос Шикоят

ali

кучахои обода ремонт мекунеду кучахои вайрона хароб мемонанд- барои ШОС не, барои халки худ кай кор мекунед, чанобон?

Ҷавоб диҳед Иқтибос Шикоят

саидов

худнамоиши бас чанобон!!
хама медонад ки точикистон дар вартаи бенавои кашшоки ва чохи бетаги коррупция 20 сол боз - ва касе фикри халосии халку кишварро надоорад

Ҷавоб диҳед Иқтибос Шикоят

Эзоҳ илова кунед