26 май 2014 13:02Тоҷикистон / Дин ва зиндагӣ

Мавлон Мухторов, собиқ муовини раиси Кумитаи дин, сардабири маҷалла шуд

Мавлон Мухторов, собиқ муовини раиси Кумитаи дин, танзими анъана ва ҷашну маросимҳои миллии Тоҷикистон, сардабири маҷаллаи “Дин ва ҷомеа” таъин шудааст.

Тавре аз Кумитаи дин хабар доданд, Мухторов дар пайи як тағйироти ахири кадрӣ дар ин ниҳод симмати мазкурро соҳиб шудааст. Ӯ тӯли чанд соли охир ба ҳайси муовини раиси Кумитаи дин ифои вазифа мекард ва чанде пештар курсии худро дар ихтиёри Тоҷиддин Асомиддинов, сухангӯи пешини ин ниҳод вогузошт.

Маҷаллаи “Дин ва ҷомеа”, ки марбут ба Кумитаи дин аст, интизор меравад, то охирҳои моҳи ҷорӣ аз чоп барояд. Дар ин маҷалла бештар матолиб оид ба масоили динию мазҳабӣ, аз ҷумла дини Ислом ба нашр расида, феълан бо теъдоди 500 нусха ҳар моҳ рӯи чоп меояд. Ба қавли масъулини Кумитаи дин ин маҷалла бо нархи 10 сомонӣ дастраси хонандагонаш хоҳад шуд.

Мӯҳр

Хабарҳои монанд:

Бехтараш Антидин ва Чомеа гуед.

Ҷавоб диҳед Иқтибос Шикоят

точик

каппаи ин мачалла дуд кард!

Ҷавоб диҳед Иқтибос Шикоят

Адл

Мавлон Мухторовро, ки пеш муовини раиси Кумитаи дин, танзими анъана ва ҷашну маросимҳои миллии Тоҷикистон кор мекард бо таъин шудан ба мансаби сардабири маҷаллаи “Дин ва ҷомеа” табрик менамоям. Ӯ хамчун муовини раиси Кумитаи дин вазифаашро аз руи вичдон ва талаботи замон ичро кард. Аз маҷаллаи “Дин ва ҷомеа”, ки марбут ба Кумитаи дин аст, бехтарин пешрави ва хамкориро бо чомеа интизор хастем. Боварии комил дорам, ки фаъолияти хакоронаи ин мачала бо сомонаи Маркази исломии Точикистон барои тарбияи мардум накши сазовори худро мегузоранд. Аз мачалла бештар маводхоро оид ба масоили динию мазҳабӣ, аз ҷумла дини Ислом интизор хастем. Барори кор ва баракат ба коратон.

Ҷавоб диҳед Иқтибос Шикоят

хонанда

агар хар масчид як донаги обуна шавад кифоя аст

Ҷавоб диҳед Иқтибос Шикоят

Эзоҳ илова кунед