12 май 2014 17:47Тоҷикистон / Сиёсат / Рӯ ба рӯ

Мансаби нави Нарзулло Соҳибов, Мирзошариф Шарифзода, Нурулло Орифов ва...

Эмомалӣ Раҳмон, раисиҷумҳури Тоҷикистон, имрӯз, 12-уми май кадрҳои навтаъинро дар мақомоти прокуратура, корҳои дохилӣ ва дигар сохторҳои давлатӣ барои суҳбат ба ҳузур пазируфт.

Дафтари матбуоти раисиҷумҳури Тоҷикистон дар қатори кадрҳои навтаъин гуфт, Мирзошариф Шарифзода, ки то ин вақт прокурори ноҳияи Рӯдакӣ буд, прокурори шаҳри Душанбе таъин гардид. Сафаралӣ Мирзозода Муовини аввали прокурори пойтахт таъин шудааст. Ба иттилои манбаъ дар маҷмуъ дар мақомоти прокуратура 9 нафар вазифаҳои нав гирифтаанд: “Аз ҷумла прокурорҳои ноҳияи Сино, Балҷувон, Вахш, Ҷиликул ва Тоҷикобод, Прокурори ҳарбии гарнизони Суғд, Прокурори назорати иҷрои қонунҳо дар муассисаҳои ислоҳии вилояти Суғд иваз карда шуданд.”

Дар мавриди тағйироти кадрӣ дар сохтори Вазорати умури дохилӣ дафтари матбуоти раисиҷумҳури Тоҷикистон илова намуд, ки Нурилло Орипов сардори Раёсати амнияти дохилии ин вазорат ва Саидхоҷа Мирзохоҷаев, сардори Сарситоди ҳамоҳангсозии воҳидҳои махсуси Вазорати корҳои дохилӣ таъин гардиданд: “Ба вазифаи сардорони шуъбаҳои Вазорати корҳои дохилӣ дар ноҳияи Синои шаҳри Душанбе ва шаҳру ноҳияҳои Ҳисор, Варзоб, Файзобод, Шуғнон, Қайроққум, Вахш ва Панҷ шахсони дигар таъин гардиданд.”

Манбаъ инчунин афзуд, ки дар мувофиқа бо раисиҷумҳур, Музаффар Ҳотамов сардори Раёсати Агентии назорати маводи нашъаовари Тоҷикистон дар вилояти Суғд ва Нарзулло Соҳибов бо қарори ҳукумати Тоҷикистон муовини директори Агентии захираҳои моддии давлатии назди Ҳукумати Тоҷикистон таъин гардиданд. Нарзулло Соҳибов бародари Маҳмадзоир Соҳибов, яке аз домодҳои раисиҷумҳури Тоҷикистон мебошад.

Эмомалӣ Раҳмон аз кадрҳои навтаъин хизмати софдилонаю содиқона талаб намуда, таъкид доштааст, ки манфиатҳои давлату миллат дар ҳама ҳолат бояд дар ҷойи аввал қарор дошта бошанд.

Мӯҳр

Хабарҳои монанд:

Каллугзода

Ин чи шурест дар ин даври камар мебинам.Точиконро хамаги мардикор мебинам.

Ҷавоб диҳед Иқтибос Шикоят

Сураш

Чун ба ин кадринтихобкуни менигари,хис мешавад,ки ин миллат оянда надорад.

Ҷавоб диҳед Иқтибос Шикоят

рауф душанбе

хамаи инхо ба воситаи сохибовхо саьдулоевхо вазифа гирифтанд аз имруз сар карда ..барои хизмати мардум мепардозанд ..

Ҷавоб диҳед Иқтибос Шикоят

wali

домодо вазифа гирифтанд - акнун навбати хешу табори домодхо шудаст

Ҷавоб диҳед Иқтибос Шикоят

safartha

Музафари Хотами-сардори Раёсати Агенти маводи муккадир дар вил. Сугд???Хотамов як умр дар Агенти бо корхои кадри машгул буд.Тачрибаи кори фаври ва чустучуи тамоманд надорад. Оё аз ухдаи ин вазифаи калиди мебаромадабоша???... Кори агентиро маскара кардан... .

Ҷавоб диҳед Иқтибос Шикоят

Cамар

Нарзулло Соҳибов бародари Маҳмадзоир Соҳибов, яке аз домодҳои раисиҷумҳури Тоҷикистон мебошад.
дар идома: Нарзулло Сохибов сохиби хамон автодромхое, ки хуччати ронандаги медихад

Ҷавоб диҳед Иқтибос Шикоят

Эзоҳ илова кунед