18 апр 2014 15:12Тоҷикистон / Сиёсат

Талаби 200 ҳазор сомонӣ ҷуброни зарари маънавӣ аз Зоиров

Абдулло Ҳалимов, раҳбари муассисаи ислоҳии ЯТ3/1 ва Садриддин Шарифов, масъули боздоштгоҳи тафтишотии ЯТ9/1, аз Раҳматилло Зоиров -- раиси Ҳизби состиал-демократи Тоҷикистон 200 ҳазор сомонӣ ҷуброни зарари маънавӣ хостаанд. Номи ин ду нафар ахиран дар баҳси хонаводаи маҳбус Маҳмадраҳим Саидов бо Раҳматилло Зоиров дар Додгоҳи ноҳияи Синои пойтахт садо додааст.

Раҳматилло Зоиров, раиси Консорсиюми юридикӣ, ки раҳбарии Ҳизби сотсиал-демократи Тоҷикистонро низ бар ӯҳда дорад, рӯзи 6 феврали соли ҷорӣ дар саҳифаи Фейсбукаш навишт, бино ба хабарҳое, ки дарёфт кардааст, гӯиё Маҳмадраҳим Саидов дар утоқи ҷаримавии маҳбаси рақами 1 фавтидааст. Зоиров гуфта буд, Маҳмадраҳим зодаи ноҳияи Ҳамадонии вилояти Хатлон буда, яке аз шоҳидони марги Ҳамза Икромзода ба ҳисоб меравад ва аз фаъолони ҷомеи шаҳрвандӣ хост, ин қазияро зери назорат гиранд.

Дар пайи ин, хонаводаи Маҳмадраҳим аз болои Раҳматилло Зоиров ба Додгоҳи ноҳияи Сино шикоят бурда, аз ӯ 10 ҳазор сомонӣ ҷуброни зарари маънавӣ ва моддӣ хоста буданд. Онҳо гуфтанд, фарзандашон зиндаву саломат буда, иттилои паҳнкардаи Зоиров онҳоро нороҳат ва дар ҳолати парешонӣ гузоштааст.

Ҳоло аризаи Абдулло Ҳалимов ва Садриддин Шарифов низ аз болои раиси ҲСДТ аз сӯи вакили мудофеъ Мавлудҷон Салихов ба Додгоҳи ноҳияи Синои шаҳри Душанбе супурда шудааст. “Зоиров бо зикри номи онҳо дар баҳси додгоҳӣ барояшон зарари маънавӣ расонд. Дар ҳоле ки Маҳмадраҳим Саидов аз Ҳалимову Шарифов ҳеч даъвою гилае надорад”,-гуфт Салихов.

Ин даъвои масъулони муассисаҳои ислоҳӣ дар ҳолест, қаблан Зоиров аз ҳардуи онҳо ва модари маҳбус Маҳмадраҳим Саидов сӣ ҳазор сомонӣ ҷуброн хоста буд. Зоиров мегӯяд, даъвои Савлат Сафолова, модари маҳбус Саидов, асос надорад ва талоши дигаре барои бадном кардани ӯст. “Паҳн кардани маълумоти бардурӯғ ва ғаразнок, ташкили муроҷиат ба додгоҳ нисбат ба ман давоми зиёда аз ду моҳ боз идома дорад. Ҳадаф паст задани шаъну шарафи ман, ҳамчун шаҳрванд, ҳимоятгар ва раиси ҳизби сиёсӣ аст”,-гуфт ӯ.

Мӯҳр

Хабарҳои монанд:

АЗ ДУШАНБЕШАХР

ЧАРО ИН МАРДИ ХАКИКАТНИГОРРО ИН КАДАР ТУХМАТ МЕКУНАНД. ЗОИРОВ ШАХСИ БОМАДАНИЯТУ БОСАВОД БУДА МУРЧАЕРО ОЗОР ДОДА НАМЕТАВОНАД БАРОИ ОН КИ МАДАНИЯТИ ХЕЛЕ БАЛАНД ДОРАД.

Ҷавоб диҳед Иқтибос Шикоят

Авранг

Ё товба ин гуна ин мардум зур шуда,зарари маънави талаб мекунанд.Он духтари панчии "бачагашта" баъди намоиши телевизиони давлати падару модараш шарманда ва азоби сахти рухи кашиданд ва хатто овозае падид омад,ки духтарак худашро куштааст.Зарари маънавии давлат ба онхо расонидаро ки баркарор мекунад.Суд!Кадом Суд?Суди Точикистон,хахаха!Комедия!

Ҷавоб диҳед Иқтибос Шикоят

"Кабк аз даҳони худаш тир мехурад", гуфтаанд.
Охир Зоиров намедонист, ки ин баҳона барои ин давлат бас аст, ки ӯро тамоман нест кунанд!?
Ин одамон бояд "сад бор чен карда як бор бояд бурранд".

Ҷавоб диҳед Иқтибос Шикоят

ЧАСУР

Барои чи хабари дуругро Рхаматило пахн мекунаду боз хукумат гунахгор будааст. Максади пахн намудани хабари бардуруг аз тарафи Рахматило албатта паст задани шаьну шарафи кормандони макомти кударатии кишвар мебошад. Барои хамин бигзор ана хамон махбус хам аз болои ин ин фитнаандоз ба додгох мурочиат кунад зеро у хам шахсият хасту шаьну шараф дорад. Шарманда карданд миллати точикро ин мардуми ба номи мухолифи точик. Дигар кор надоранд ки доимо максадашон бадном кардани миллату давлати точикон мебошад. Тули хазорсолахо миллати точик давлати сохибмусткали худро надоштанд. Акнун ки ин миллати бофарханги точик сохиби давлат мустакили худ гаштааст нотавонбинон ва душманонаш аз дохили кишвар мардуми пастфитрату торикбинро интихоб намуда барои амали намудани максадои нопоки худ истифода бурда истодаанд. Хар нафаре ки барои ин миллату давлат хиёнат мекунаду миллати точикро дар арсаи дунё бо гапхо пучу бемантку дуругин худ паст мезанад бигзор сангсор карда шавад. БАРОИ ЧОП СИПОСГУЗОРАМ...

Ҷавоб диҳед Иқтибос Шикоят

tojik

ЧАСУР,
sad foiz durust gufti jasur.

Ҷавоб диҳед Иқтибос Шикоят

Эзоҳ илова кунед