Муҳиддин Кабирӣ: “Худованд сабур аст, зуд ҷазо намедиҳад”
Раиси ҲНИТ, ки дар ин бора дар саҳифаи фейсбукияш ибрози назар кардааст, гуфтааст, хомӯширо дар мавриди ба китобчаи “Ҷаҳони андеша”, ки дар яке аз бобҳояш вуҷуди Худованд инкор мешавад, бо дархости пайдарҳами дӯстонаш шикастааст. Ӯ мегӯяд, “баҳс дар бораи вуҷуди Худованд баҳси нав нест, дар ҳама давру замон будааст ва хоҳад монд. Худи сарчашмаҳои динӣ, аз ҷумла Қуръони маҷид низ дар бораи мункирони Худо мегӯяд ва равиши даъвати онҳо ва муносибат бо онҳоро низ нишон додаст. “...Удъу ило сабили раббика билҳикмати ва мавъизатил ҳасана ва ҷодилҳум биллати ҳия аҳсан …” (Ба сӯйи парвардигорат бо ҳикмат ва мавъизаи нек бихон ва бо онҳо (мункирон) бо услуби накӯ баҳс намо…(Наҳл, 125).”
Ба гуфтаи ӯ, ҳоло бояд донишмандони исломӣ вуҷуди мункирони Худоро ҳамчун чизи табиӣ қабул кунанду муносибат бо онҳоро низ дар асоси таълимоти динӣ, илм, мантиқ ва одоби нек ба роҳ монанд, мисле ки пешвои мазҳаби онҳо қаблан аз ин усул кор гирифта буд: “Айнан ҳамон коре, ки бузургони мо дар гузашта кардаанд. Бахусус ба мисли Имом Абуҳанифа, ки баҳси илмиву мантиқии ишон бо даҳриҳои замони худаш бо ҳузури халифа дар сарчашмаҳо зикр гаштааст. Хеле хуб аст, ки муносибати уламои мо низ бо ин падида хеле оромона ва мантиқӣ мебошад чуноне, ки Эшони Маҳмудҷон кардаанд.”
Раиси Ҳизби наҳзат бар ин аст, ки ҳеч гоҳ мусулмонон бо инкор шудани Худовандашон аз сӯи як гуруҳи кӯчак таҳқир нахоҳанд шуду вазифаи муъминии онҳо даъват ба сӯи Худованд бо риояи фармудаҳояш дур аз ҳар гуна умури берун аз одобу ахлоқ ва дахолат ба пархоши махлуқон бо Холиқ.
Муҳиддин Кабирӣ дар мавриди сар задани ин гуна баҳсҳо миёни доираҳои равшанфикри тоҷику садо баланд кардани онҳо илова намудааст, “баъд аз пошхӯрии идеологияи бехудоӣ дар кишварҳои пасошӯравӣ раванди дингароӣ бо як суръати баланд пеш меравад, ки дар баъзе ҳолатҳо боиси рушди тундгароӣ мегардад. Мушкилоти зиёди сиёсӣ, иктисодӣ ва фарҳангӣ заминаи мусоиде барои тундгароӣ мебошанд. Табиист, ки қишри равшанфикри ҳар ҷомеа ин мушкилотро пеш аз ҳама дарк мекунад ва бояд садо баланд кунад. Агар лозим шавад эътироз кунад. Аммо, эътироз ба кӣ ва баҳс бо кӣ? Бо ҳукуматҳо, ки мушкилотро ҳал карда наметавонанд ва боиси рушди тундгароӣ мешаванд ё Худованд, ки бо номи Ӯ дин дар ҷомеаҳо бо суръат пеш меравад? Мушкили асосии як идда аз равшанфикрони мо ҳаминҷо шурӯъ мешавад. Чун онҳо тибқи табиат ва рисолаташон бояд садо баланд кунанд ва огоҳ кунанд, агар лозим шавад баҳсу эътироз кунанд ва мекунанд. Қисме бо инсонҳое мисли худ, ки масъулияти ҷомеаро доранд, масалан хокимони давр ва қисми дигар бо Худованд. Бо Худованд баҳс кардан осонтар аст, ба Ӯ эътироз кардан бехатар мебошад (замони инквизиция гузаштааст). Худованд сабур аст, Ҳаким аст, зуд ҷазо намедиҳад ва эҳтимоли зиёд аст, ки ҷазо ҳам надиҳад, чун Раҳим ҳам ҳасту Ғафур ҳам. Аммо эътироз ба инсон ба хусус ҳоким ба маротиб хатарноктар аст чун сабуру раҳиму ғафур нест ва ҷазоро зуд ва гоҳо бераҳмона медиҳад. Инҷост, ки равшанфикрони бо табиати ҳолашон мустақили эътирозманиш ва нороҳат аз вазъи ҷомеъаҳояшон ин садояшонро ба суе равона мекунанд, ки ҳам "дилро холӣ карда бошанд" , ҳам "рисолати" хешро анҷом диҳанд ва ҳам муҷозот нашаванд. Ҳар файласуф то қадре илоҳиётшинос ҳаст ва медонад, ки "ин даргаҳи мо даргаҳи навмедӣ нест, сад бор агар тавба шикастӣ, боз ой".
Раиси Ҳизби наҳзати исломӣ дар охири навиштаҳояш гуфтааст, “бархе аз равшанфикрони мо роҳи амнтар ва осонтари анҷоми рисолати худро пеш гирифтаанд, ки ин бо ХУДИ ХУДОВАНД сар ба сар шудан аст. Воқеан метавон аз ин ҷасорати бештар нишон дод? Чаро масъаларо аз ин нигоҳ баҳо надиҳем?”
“Ҷаҳонбинии оянда” дар шакли китобчаи иборат аз 40-саҳифаӣ моҳи июли соли 2013 бо теъдоди 100 нусха дар нашриёти «Кайҳон»-и шаҳри Душанбе ба табъ расидааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
