13 мар 2014 14:36Тоҷикистон / Иҷтимоӣ / Тема дня

Баҳси вазъи гурезаҳо дар Тоҷикистон (ВИДЕО)

Рамазон Раҳимзода, вазири умури дохилии Тоҷикистон дар мулоқот бо Собир Аъзам, масъули СММ оид ба гурезаҳо теъдоди гуреза ва паноҳҷӯяндаҳои хориҷиро дар Тоҷикистон 1918 нафар арзёбӣ кардааст.

Ин оморро дафтари матбуоти Вазорати умури дохилии Тоҷикистон нашр кардааст, ки дар муқоиса бо омори паҳнкардаи созмонҳои байналмилалӣ камтар аст.

Наҷиба Ширинбекова, мудири иҷроияи созмони “Ҳуқуқ ва рушд” бо такя ба маълумоти СММ теъдоди умумии гуреза ва паноҳҷӯяндаро дар Тоҷикистон 2048 нафар арзёбӣ намуд, ки аксари онҳоро хонаводаҳои афғон ташкил медиҳанд.

Дар ҳоле, ки вазири тоҷик аз беҳбуди шароити гурезаҳо дар Тоҷикистон тавсиф кардааст, Ширинбекова мегӯяд, хонаводаҳои афғон аз сабаби мушкили дастрасӣ ба таҳсил ва ҳамзамон пайдо накардани ҷойи кор дархости бозгашт ба Афғонистонро кардаанд: “Дар соли 2013 нӯҳ хонаводаи афғон, иборат аз 43 нафар, бо сабаби пайдо накардани ҷойи кор ва номусоид будани вазъ ба кишвари худ баргаштаанд.”

Ин ҳам дар ҳолест, ки ахиран дар палатаи поёнии парлумони Тоҷикистон зимни ворид намудани тағйирот ба қонун “Дар бораи гурезаҳо” масъалаи пазироии хуб накардан аз гурезаҳои афғон дар Тоҷикистон мавриди баррасӣ қарор гирифта, баҳсе миёни вакил Муҳиддин Кабирӣ ва Шукурҷон Зуҳуров раиси парлумони Тоҷикистон ба миён овард:

Мӯҳр

Хабарҳои монанд:

Донишманд

Ба фикрам қисми дуюми сарлавҳаи ин мақола чандон дуруст нест: "Вазир рост мегӯяд ё Ширинбекова". Алббата Вазир рост мегӯяд, зеро ки он кас шаси расмӣ аст ва рақамҳои расмиро гуфта истодааст, лекин хонум Ширнбекова ки бошад.

Ҷавоб диҳед Иқтибос Шикоят

Парвина

Созмони “Ҳуқуқ ва рушд” як ташкилоти чамъияти аст, баъд ин, ки СММ вазъияти моро чи медонад? Харчи хохад гуфтан мегирад, вале дар Вазорати корхои дохили хар як гуреза ва шахсони панохчуянда ба хисоб гирифта мешаванд. Статуси гурезахоро дар мувофика ВКД медихад.

Ҷавоб диҳед Иқтибос Шикоят

Салим

Ба донишманд.22-сол шуд хукумат ба вазиронаш дуруг мегуфтанд имруз чи шудааст вазир рост мегуфтааст.Донишманд ай марси чи?Ман гапи рости хукумата нашунидаам.хамеша "лапша"гуфти русхо.

Ҷавоб диҳед Иқтибос Шикоят

Донишманд

Бародари азиз Салим, Шумо ба эҳсосот дода нашавед. Созмонҳои байналмилалӣ хубанд, ба мо ёрӣ мерасонанд, лекин ба давлату ҳукуматамон пеш аз ҳама бояд худи мо содиқ бошем ва дар якҷоягӣ Ватанамонро ободтар намоем. Ин Созмонҳо домӣ нестанд, хоҳ нохоҳ баъди иҷрои вазифаашон хеста мераванд, мову Шумо мемонем, аз ин лиҳоз ман аз сайёраи Марс нестам, як одами оддии заминӣ, лекин ҳама вақт баҳуш бояд буд, бародари азиз.

Ҷавоб диҳед Иқтибос Шикоят

Эзоҳ илова кунед