11 янв 2014 12:16Тоҷикистон / Дидгоҳи хос
Сафват Бурҳонов: “Вақте ғуломон ба шӯр меоянд, хушку тар якҷоя месӯзад"
Ҳаммиллатони гиромӣ! Тоҷикони азиз!
Ростӣ, аз оромии мутлақи Шумо метарсам. Аз хомӯшии Шумо метарсам. Аз бесадоии Шумо метарсам. Метарсам, ки миллати мо, воқеан, алакай хӯи ғуломӣ гирифта бошад.Мехоҳам, ки чашми худро кушоед. Мехоҳам, ки воқеиятро бинед. Биёед, каме муфассал нақл кунам.
Мо солҳои 80-90-и асри гузашта зиндагии осудатаре нисбат ба кишварҳои дигари СССР доштем. Ҳарчанд кишвари мо камбағалтарин ҳисоб мешуд, аммо азбаски нафси худро метавонистем боз дорем, якбора кӯдаконамон хиёбонӣ, пиронамон пирхонаию кӯчагӣ намешуданд. Ба хотири талони нону арақ ҳамдигарро намекуштем. Омирона рӯзгор мебурдем. Ҳокимияти Маскав бо баҳонаи исломгаро шудани мо фиристод маъмуронашро, то моро қатли ом кунанд.
Дар ин бора Квачков муфассал гуфтааст. Квачков иҷрокунандаи ҳамон қатли оми мо буд. Қатли оми тоҷикон танҳо бо як мақсад, мақсади аслиҳафурӯшии "генералҳои сиёҳ"-и Русия роҳандозӣ шуда буд. Кишвари моро маркази даргирӣ сохта, аслиҳаро пинҳонӣ ба Афғонистон, Покистон ва соири мамлакатҳои ҳамсарҳаду наздики мо мефурӯхтанд. Ба номи Тоҷикистон миллионҳо аслиҳаю лавозими ҷангӣ фурӯхта шудаанд.
Аз ҷумла, Аҳмадшоҳи Масъуд бо 8 вагон аслиҳае, ки "доля"-и ҳамкорони тоҷикистонӣ буд, Толибонро, ки 95% хоки афғонро гирифта буданд, аз кишвараш ронд. Бозори калоне буд. Ҷангро, диданд, ки фалокатзо шуд, зуд хотима доданд. Соддалавҳист, бовар кардан, ки ягон "лидер"-и мо ҷангу сулҳ карда бошад. Квачков сар кард, Богдасаров тамом кард.
Аммо аз кишвари мо даст набардошта буданд ва то ҳоло намебардоранд.
Дар ҷанг якбора қатли ом мекарданд, ҳоло қатли оми тадриҷӣ мекунанд. Генералҳои сиёҳ бозорашонро тағйир доданд. Моро ғулом карда, мисли мол харидуфурӯш карданд ва мекунанд. Ин гурӯҳи муташаккили ҷиноӣ хеле густарда аст. Бозори ғуломфурӯшӣ то 400 миллиард доллар гардиш дорад.
Чи дар мо ва чи дар Африқо, ин гурӯҳи ҷиноӣ ҳокимияти ҳарбӣ ва иҷтимоиро харида, ба манфиати худ истифода мекунад. Дар кишвари мо низ мудофиа, маориф ва тиб пурра дар идораи онҳоянд. Ин ҷо шояд касе норозигӣ баён кунад, аммо бо факт мегӯям:
а) Мудофиа. Барои мудофиа дар як даъват 3-5 ҳазор аскар даркор. Аммо хилофи Конститутсия ва қонунҳо рӯирост ҳокимияти ҳарбӣ ОДАМРАБОӢ мекунад. "Облава" ғайриқонунӣ ва ҷинояти вазнин аст, ки бори охир даъватномаи комиссариати ҳарбиро дидааст? Ҳокимияти ҳарбӣ 100% хостаҳои бозори бардафурӯширо бароварда мекунад.
б) Маориф. Маълумот низ мол аст. Хариду фурӯш мешавад. Аз рӯи он ки талабот ҳаст, яъне миллат ҳоло зинда ва ба умед аст. Аммо мо ягона кишварем, ки ба ивази пул ба халқи худ маълумот намедиҳем. Шуъбаҳои шартномавӣ ҳатто маҳдуданд. Чаро пули мардумро гирифта, маълумоти олӣ намедиҳем? 1000 баҳона меоранд, аммо масъулони бозори бардафурӯшӣ онҳоро харидаанд ва махсус садди роҳи маълумотнокии аҳолӣ мешаванд. Барои бозори бардафурӯшӣ бесавод даркор аст!
в) Тиб. СПИД-у гепатиту малярияю... механизмҳои дар чорчӯба нигоҳ доштани ғуломанд.
Мақсад аз ин ҳама, моли бозорро (яъне моро -- ғуломонро) зери тарси ҳамешагӣ ва ноумедӣ карор додан аст, ки хеле муваффақ ҳам ҳастанд.
Аммо мехоҳам ҳам ҳукумат ва ҳам миллатро ҲУШДОР (!!!) диҳам. Агар холо ки дер нашудааст, миллатро аз бозори бардафурӯшӣ берун накунем, оқибати мудҳиш моро интизор аст. Бӯи бадашро мешунавам!!!
Спартакро ёд оред!!! Равед пеши Ҳошим Гадою пурсед, ки чаро орзуяш гузоштани "Спартак" аст? Вақте ғуломон ба шӯр меоянд, "хушку тар якҷоя месӯзад". Барои ҳукумату халқи мо аллакай барнома ва ашхоси мутасаддӣ тайёранд. РБК "просто так" "царство Рахмона" намекунад. Ба Спартак руҷӯъ кунед!!!
(Барои онҳое, ки аз ман хоин сохтанӣ мешаванд, мехоҳам таваҷҷӯҳ кунанд, ки чунин суханҳоро дар Душанбе буданам садҳо бор навистаам ва аз берун сӯи Ватан санг намезанам) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
