21 ноя 2013 09:49Тоҷикистон / Сиёсат

Ширинов бонкдориро бар асоси Ислом ба роҳ монданист

Абдуҷаббор Ширинов, раиси Бонки миллии Тоҷикистон ба намояндагони давлати Қатар аз роҳандозии низоми бонкдории исломӣ дар кишвар хабар додааст.

Тибқи иттилои Бонки Миллӣ, Ширинов рӯзи 20-уми ноябр бо намояндагии Давлати Қатар таҳти сарварии мудири бахши рушди фаъолияти Созмони сармоягузории Қатар ҷаноби Файсал ибни Сауд Оли Сонӣ мулоқот дошта, таъкид намудааст, ки “айни замон дар ҷумҳурӣ нақшаи ба роҳ мондани фаъолияти бонкдорӣ тибқи қоидаҳои исломӣ корҳои омодагӣ идома доранд, аз ҷумла лоиҳаи қонуни дахлдор таҳия шудааст ва мавриди баррасӣ қарор дорад.”

Дар ҷараёни суҳбат ҷонибҳо масъалаҳои ба роҳ мондани ҳамкориҳои дуҷонибаи судманд дар бахши низоми бонкӣ, ҷалби сармоягузориҳои дарозмуҳлат ба иқтисодиёти ҷумҳуриро баррасӣ намуданд. Файсал ибни Сауд Оли Сонӣ изҳор намудааст, ки Қатар барои дар сатҳи зарурӣ ба роҳ мондани ҳамкориҳои судбахш дар соҳаҳои гуногун, бахусус низоми бонкӣ ва маблағгузориҳои дарозмуҳлат манфиатдор мебошад.

Мӯҳр

Хабарҳои монанд:

САИД

ин ҳукуматдорон чанд пуст дошта бошанд тамоман як қатра хуни шарму ҳаё номусу ғайрат ва ғурур надоранд шабу руз аз пайи маҳви ислом да Тоҷикистонанд ва ҳоло ки чашмашон ба пули арабҳо ало шудаст ба хотири ба даст овардани ПУЛ бонкдории исломи роҳандози мекунанд
ҲУВИЯТИ МИЛЛӢ (КУРУШУ СОМОНӢ ЗАРТУШТ ...) ҲУВИЯТИ ИСЛОМӢ ВА ҲУВИЯТИ КОМУНИСТИВУ ДЕМОКРАТИАТОН ҲАМА ДУРУҒИ МАҲЗ АСТ ТАНҲО ҲУВИЯТ ВА ФИКРИ ШУМО ПУЛ АСТ
21 СОЛ ШУД САРДАРГУМЕД ВА МИЛЛАТ САРДАРГУМ КИ БА КАДОМ САМТ РАВЕМ КАДОМ ИДЕАЛОГИЯРО САРМАШҚ КУНЕМ БО ШАРҚ БОШЕМ Ё БО ҒАРБ ДИНДОР БОШЕМ Ё БЕ ДИН ҲЕҶЧИЗ МАЪЛУМ НЕСТ ВА БО ИН ТАРЗИ ИДОРА МАЪЛУМ ҲАМ НАХОҲАД ШУД

Ҷавоб диҳед Иқтибос Шикоят

Сайфиддин

САИД,Ин бехтарин сиесат аст. Бояд зимни тахкиму рушди давлати тозаистиклоламон аз хамаи режимхои чахон бехтарин унсурхояшонро интихоб карда истифода барем. Давлат ба диндориву бединии касе набояд кордор бошад, балки аз кувваи хар дуи ин гурух чихати рушди кишвар истифода кунад. Дигар ин кори худашон аст, ки диндор мегарданд е бедин.

Ҷавоб диҳед Иқтибос Шикоят

Эзоҳ илова кунед