03 окт 2013 16:02Оcиёи Марказӣ / Тоҷикистон

Омодагии мунтахаби Тоҷикистон барои қувваозмоӣ бо қирғизҳо

[size=3]Мунтахаби милии Тоҷикистон барои вохӯрии дӯстона бо якачини Қирғизистон дар шаҳраки Алмосии ноҳияи Ҳисор омодагӣ мебинад.

Ин вохӯрии дӯстона рӯзи 15-уми октябри соли ҷорӣ дар варзишгоҳи “Долона Омурзаков”-и шаҳри Бишкек баргузор хоҳад шуд. Мӯҳсин Муҳаммадиев, сармураббии мунтахаби миллии Тоҷикистон барои омодагии кӯтоҳмуддат 24- бозигарро даъват кардааст, ки 7-уми октябр дар шаҳраки Алмосии ноҳияи Ҳисор ба тамрин шурӯъ хоҳанд кард.

Бори аввал аст, ки Мирзобек Мирзоев, ҳамлагари дастаи “Хайр”, ҳимоятгари ин даста Идибек Ҳабибуллоев, Бахтиёр Ҳасанов аз тими “Равшан” ва Илҳом Баротов, нимҳимоятгари дастаи “Истаравшан” дар ҳайати мунтахаб шомил шудаанд.

Дастаи миллии Тоҷикистону Қирғизистон то ҳол 9 бозӣ ба анҷом расонидаанд, ки 6 дидор ба манфиати мунтахаби тоҷик анҷом ёфта, як мусовӣ ва дар ду бозӣ мағлуб шудааст. Мунтахаби миллии кишвар дар бозиҳои қаблӣ 12-гол ва мунтахаби Қирғизистон 7-гол задааст.

Ҳайати мантахаби миллии Тоҷикистон:

Дарвозабонҳо: Алишер Туйчиев (“Истиқлол”), Рустам Ризоев (“Равшан”);
Ҳимоятгарон: Соҳиб Саванқулов (“Ряван”, Озорбойҷон), Фарҳод Восиев (“Газовик”, Русия), Даврон Эргашев (“Жетису”, Қазоқистон), Далер Тухтасунов, Хасан Рустамов, Алексей Негматов (ҳама - “Равшан”), Сиёвуш Асроров, Наим Улмасов, Эраҷ Раҷабов, Аҳтам Назаров (ҳама - “Истиқлол”), Идибек Ҳабибуллоев (“Хайр”);

Нимҳимоятгар: Илҳом Баротов (“Истаравшан”), Нуриддин Давронов, Дилшод Восиев, Ибрагим Рабимов, Ҷаҳонгир Ҷалилов, Фатҳулло Фатҳуллоев (ҳама - “Истиклол”), Бахтиёр Ҳасанов (“Равшан”);

Ҳамлагар: Мирзобек Мирзоев (“Хайр”), Фарҳод Тоҳиров (“Истаравшан”), Аҳтам Ҳамроқулов (“Регар-ТадАЗ”), Ҷахонгир Эргашев (“Истиклол”).

Барои Мӯҳсин Муҳаммадиев, сармураббии дастаи мунтахаби тоҷик, ин бори дуюм мешавад, ба ҳайси сармураббии дастаи мунтахаби миллии Тоҷикистон дар бозиҳо иштирок дорад. Мунтахаби миллии Тоҷикистон 14-уми августи соли равон дар варзишгоҳи 20-солагии Истиқлолияти Тоҷикистон, дар бозии дӯстона бо мунтахаби миллии Ҳиндустон бо ҳисоби 3:0 пирӯз шуда буд.

Мӯҳр

Хабарҳои монанд: