21 сен 2013 10:50Тоҷикистон / Иҷтимоӣ

Боздошти Ашӯрмаҳмад Миралиев, тоҷики 23-сола, дар Амрико

Ашӯрмаҳмад Миралиев, шаҳрванди 23-солаи Тоҷикистон, дар робита ба қазияи паноҳандаи чечен Иброҳим Тодашев дар иёлати Флоридаи Амрико боздошт шудааст. Иброҳим Тодашев дӯсти Темирлан Тсарнаев (чечен), муттаҳам ба бомбгузории маргбор дар шаҳри Бостони Амрико мебошад, ки зимни бозпурсӣ дар бораи ин қазия аз тарафи кормандони FBI ё Хадамоти Федеролии Таҳқиқоти Амрико кушта шуда буд.

Хабаргузории “Ассошиэйтед Пресс” ба нақл аз мақомоти пулиси иёлати Флорида навиштааст, Ашӯрмаҳмад Миралиев яке дӯстон ва ҳамхонаҳои Тодашев ба шумор меравад. Ба гуфтаи мақомоти пулиси Амрико, ҳангоми боздошт шудани Миралиев, бо ӯ як духтари 19-сола, ки аз ӯ Татяна Груздева ном гирифта мешавад, низ будааст. Пулиси Амрико мегӯяд, ин духтар яке аз дӯстдухтарон ва ҳамхонаҳои Тодашев мебошад, ки баъд аз марги ӯ бо Миралиев дар хонаи паноҳандаи чечен ба сар мебурдаанд.

Мақомоти пулиси Амрико гуфтаанд, боздошти Миралиев ба тафтишоти қазияи бомбгузорӣ дар шаҳри Бостон ҳеч рабте надорад.

Дар бомбгузории рӯзи 15-уми апрели соли ҷорӣ дар шаҳри Бостон ҳангоми дави марафонӣ, 3 нафар кушта ва садҳо тани дигар маҷрӯҳ шуда буданд. Мақомоти амниятии Амрико дар ин ҳодиса ду бародари чечен – Темирлан ва Ҷавҳар Тсарнаевҳоро айбдор карданд. Темирлан дар ҷараёни амалиёти боздошти пулис ба ҳалокат расид.

Мӯҳр

Хабарҳои монанд:

Собир

Нахзатихо ин хела чиноятхоро пеш хам мекарданд, лекин хукумат чашм мепушид. Акнун ки сохторхои кудратй кор карда истодаанд, нахзатихоро намефорад. Мо дар давлати дунявии демократй ба сар мебарем, дустон!

Ҷавоб диҳед Иқтибос Шикоят

Ориф

Собир,
Рост мегуи.Офарин бародар хайрият як нафари хакгу хам сайт мехондааст.

Ҷавоб диҳед Иқтибос Шикоят

диловар

э рут сиех собир, да ин казия назхатихо чи дахл доран?,

Ҷавоб диҳед Иқтибос Шикоят

Эзоҳ илова кунед