«Тоҷик Эйр» рамзашро иваз мекунад

Ширкати «Тоҷик Эйр» тасмим дорад, ҷиҳати тавсеаи ҷуғрофияи парвозҳояш шурӯъ аз нимсолаи дуюми соли равон хатсайрҳои ҷадидеро роҳандозӣ кунад.

---

Музаффар Исоқов, директори генералии ширкати мазкур  зимни нишасти хабарие изҳор дошт, парвозҳо ба самти Исломобод, Дубай, Машҳад, Сиферопол, Банкок ва Қарочӣ амалӣ хоҳанд шуд. Ҳамчунин хатсайри мавқуфшудаи Душанбе-Истамбул низ аз нав фаъол мешавад. Ба қавли номбурда ҷиҳати роҳандозии ин нақшаҳо «Тоҷик Эйр» тасмим гирифтааст, ҳавопаймоҳҳои замонавӣ харидорӣ намояд. Ба гуфти ӯ барои харидани ҳавопаймо ва дигар таҷҳизотҳои лозима миёни Тоҷикистон ва Хитой созишнома тасвиб мешавад. Дар назар аст, «Тоҷик Эйр» аз Чин ду ҳавопаймо харидорӣ кунад.

«То ҷашни 20-умин солгарди истиқлолияти давлатӣ рамзи ширкат, рангубори тайёраҳо, сарулибоси ҳайати парвозӣ ва анвои хӯроки мусофирон тағир дода шуда, сатҳи хизматрасонӣ беҳтар мегардад»,-афзуд Музаффар Исоқов.{jathumbnail off}

Мӯҳр