21 июн 2013 12:30Тоҷикистон / Дидгоҳи хос / Минбари Шумо

"Ба Зафаробод бо чархбол наё, президент!"

Эмомалӣ Раҳмон, раисиҷумҳури Тоҷикистон, ин ҳафта ба Суғд омада, аз шаҳри Панҷакент ва ноҳияҳои Ашту Ғончӣ боздид кард. Ҳамчунин, дар Хуҷанд як Қасри варзишро ифтитоҳ намуду дар Қайроққум аз вазъи корхонаи қолинбофӣ огоҳ шуд.

Сокинони ноҳияи Зафаробод ҳам умедвор буданд, ки оқои Раҳмон имсол аз ҳолашон хабар мегирад. Махсусан аз ҳоли роҳҳои вайронаи ноҳия.

Ду сол пеш Эмомалӣ Раҳмон ба ноҳияи Зафаробод сафар карда, корхонаи ҷӯроббофиро ба истифода дода буд. Он вақт ӯ тариқи чархбол ба Зафаробод рафт. Аз ин хотир аксари мардум мегӯянд, агар Эмомалӣ Раҳмон бо роҳ биёяд, «аҳволи» роҳ хеле хуб хоҳад шуд, зеро ҳеч гоҳ ҳукуматдорон бо ин роҳи вайрона раисҷумҳурро намеоранд.

Гузашта аз ин, даҳ сол мешавад, ки ронандагон аз пул ё купрӯки вайронаи Ширинсой мегузаранд. Ҳар боре, ки ба сой сел меояд, сокинон соатҳо интизори камшавии об меистанд. Рӯзҳое низ буданд, ки нақлиёти мусофиркашон аз сой гузашта наметавонист ва мардум аз дохили об гузашта ва ба дигар нақлиёт савор мешуданд. Яъне «автовокзал» дар назди пули Ширинсой ташкил шуда буд.

Шаби якшанбе ба душанбеи ҳафтаи ҷорӣ дар ин сой сел омад ва субҳ мошинҳо натавонситанд пули Ширинсойро бигузаранд. Мусофирон барои ин нуқтаро убур кардан, тақрибан чаҳор – панҷ соат интизор шуданд. Дар ҳамин замон як нафар, ки дар мошинаи мусофиркашонӣ ҳамроҳи мо буд, гуфт: «Ба Зафаробод бо роҳ биёед, президент».

Аммо маълум нест, ки кай президент тавассути роҳ ба Зафаробод мераваду мақомот аз тарс он роҳҳоро мумфарш мекунанд. Фикр мекунам, шояд сокинони дигар ноҳияҳо низ чунин орзуро дошта бошанд. Чӣ гуфтед?

Дилошӯб ОРИФЗОДА

Мӯҳр

Хабарҳои монанд:

ПАРВИЗ

БАРОДАРИ АЗИЗ Дилошӯб ОРИФЗОДА ТОКАТ КУНЕД БА НАВБАТ РОХО СОЗ ШУДА ИСТОДААСТ ЯК БОРА 10 ЧИЛА РО БА ДАХОН ЗАДА НАМЕШАВАД КУ ?

Ҷавоб диҳед Иқтибос Шикоят

SDO

Дар хакикат роххои ин нохия ахволи хеле бад доранд. Ман соли гузашта ба сафари хизмати рафта шохиди ин роххои валангор хастам. Магар то пулаки шудани ин роххам касе фикри ободии ин роххоро намекарда бошад?

Ҷавоб диҳед Иқтибос Шикоят

точик

Роххои тамоми Точикистон фарсудаву вайронаанд ба гайр аз ду се шохрохи чануби чумхури!Харчавнд андози рох дар ЧТ аз хама баландтарин дар СНГ аст!Ба Парвизхо гуфтаниам,ки мо безор шудем аз интизор шудана!Биёед як роххои Исфараро бубинед.Фарк байни роххои мо ё Афгонистонро меёбед ё не!?Таи 21 сол ду се роху де се накб ва якчанд иншооте,ки онро хам бо пули карз сохта шудааст,хеч аст дар муддати 21 сол!Точикистонро ба карз гутондеду ягон хел резулат нест!Ба чузъ дуздиву горати бучаи давлати ва пораву ришва...

Ҷавоб диҳед Иқтибос Шикоят

донишчу

ман хам ин гуфтахоро дастгири мекунам!

Ҷавоб диҳед Иқтибос Шикоят

Ораш

Худо кунад, ки чаноби президент ба хама навохи бо рох ояд, аммо ин имконнопазир аст. Зеро пас аз 5 мох сафархои пешазинтихоботи, э бахшиш кори ба охир мерасанд. Ва дигар барои 7 сол хама тенчу ором.

Ҷавоб диҳед Иқтибос Шикоят

Эзоҳ илова кунед