Нигаронии мақомот аз афзоиши танфурӯшии “ноболиғон”
Масъулони Вазорати умури дохилии Тоҷикистон дар чаҳор моҳи аввали соли ҷорӣ 26 духтари зери синни 18-ро бо ҷурми даст доштан ба танфурӯшӣ боздошт кардаанд. Ин рақам аз забони Давлат Назаров, муовини сардори Хадамоти ҳуқуқвайронкунӣ миёни ҷавонону ноболиғони Вазорати умури дохилӣ, рӯзи 6-уми июн дар як мизи мудаввари Вазорати адлия ва созмони Спин-Плюс дар Душанбе садо дод.
Подполковники милиса Давлат Назаров сабаби аслии ба танфурӯшӣ даст задани духтарони ноболиғро “ба доми фиреби ҷавонон афтодани онҳо” донист. “Духтарони ноболиғро бо роҳи фиреб ба алоқаи ҷинсӣ водор мекунанду баъдан онҳо дар чаҳорсӯи зиндагӣ танҳо мегузоранд. Аз як сӯ, ҷавонон бо онҳо издивоҷ карда наметавонанд ва аз сӯи дигар хонавода ҳам имкони ба шавҳар додани онҳоро надоранд. Зеро духтар 16-сола асту хонадор кадани ӯ ҷиноят ҳисоб карда мешавад”,-таъкид кард ӯ.
Аз ин рӯ, ин масъули Вазорати умури дохилӣ пешниҳод кард, ки робитаи ҷинсӣ барои духтарон танҳо аз ҳаждаҳсолагӣ иҷоза бишавад. Ҳоло бар асоси Кодекси ҷиноӣ агар духтар ба синни 16 расида бошад, дар сурати ризоияти тарафайн, ҳаққи алоқаи ҷинсиро дорад. Аммо тибқи қонуни оила духтарон дар шонздаҳсолагӣ ноболиғ ҳисобида мешаванд ва қонун ҳаққи издивоҷ ё никоҳро танҳо дар ҳаждаҳсолагӣ додааст. Назар Давлатов мегӯяд, дар сурати рафъи ин духӯрагии қонун имкони пешгирӣ аз танфурӯшии ноболиғон ҳам бештар хоҳад шуд.
Дар ҳамин ҳол, ба гуфтаи ӯ, дар чаҳор моҳи аввали соли ҷорӣ 36 ҷавону ноболиғ даст ба худкушӣ задаанд, ки аз ин рақам 17 ҳолати худкушӣ аз ҷониби духтарон рух додааст. “Чунки баъди даст задан ба танфурӯшӣ онҳо танҳо мемонанд ва роҳи дигаре ба ҷуз аз худкушӣ намебинанд»,-гуфт Давлат Назаров.
Подполковник Давлат Назаров ҳамчунин аз афзоиши мизони ҷиноёт дар миёни ноболиғону ҷавонон нигаронӣ карда ва гуфт, дар 4 моҳи соли равон аз ҷониби ноболиғону ҷавонон 19 ҳолати куштор ба қайд гирифта шудааст. Гуфта шуд, ки дар ҳамин давра 9 ҳолати даст задани ноболиғону ҷавонон ба таҷовуз (соли 2012 -- 4 ҳолат), 231 ҳолати авбошӣ (2012 -- 163 ҳолат) ва 34 ҳолати ғоратгариро ба қайд гирифтаанд, ки нисбат ба ҳамин давраи соли 2012 5 ҳолат бештар будааст.
Баҳром Абдулҳақов, муовини сардори Сарраёсати муассисаҳои ислоҳии Вазорати адлия, иллати аслии афзоиши ҷиноят миёни ноболиғону ҷавононро “аз назорати падару модар дур мондани онҳо ва ба афзоиши раванди муҳоҷирати шаҳрвандон” рабт дорад.
Ӯ гуфт, “дар солҳои Шӯравӣ барои комилан ба тарбия фаро гирифтани кӯдакону ноболиғон маҳфилҳои октябриву пионерӣ вуҷуд дошт. Аммо ҳоло ин гуна чорабиниҳову маҳфилҳо вуҷуд надорад, ки ин ҳам бар зарар аст.” Ба иттилои Вазорати адлияи Тоҷикистон, дар ҳоли ҳозир ҳудуди 602 нафар ноболиғ дар муассисаҳои ислоҳии ин вазорат нигоҳдорӣ мешаванд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
