Тоҷикистон ҳоло ҳам дар зинаи 112-ум аст
Тими миллии Тоҷикистон дар рейтинги моҳи апрелии FIFA, Федератсияи байналмилалии футбол, ки рӯзи гузашта нашр шуд, мавқеашро тағйир надодааст.
Яккачини футболи Тоҷикистон мисли моҳи март дар зинаи 112-ум қарор дорад. Мунтахаби Тоҷикистон, ки 312 имтиёз дорад миёни тимҳои миллии кишварҳои пасошӯравӣ дар ҷойи 10-ум аст.
Дар садри рейтинг ҳамоно мунтахаби Испания нишастааст. Тими миллии Олмон дар зинаи ду ва Аргентина дар ҷои сеюманд. Панҷгонаи аввалро тимҳои Хорватия ва Португалия пурра мекунанд.
Тими миллии Гранада, ки якбора ба 20 зина боло рафт, беҳтарин тими моҳи сипаришуда эълон шудааст. Заифтарин даста тими миллии Сент-Винсента ва Гренадин шинохта шудааст, ки аз мақоми 121 ба ҷои 131 фаромад.