Рейтинги нави ФИФА: Тоҷикистон мақомашро тағйир надод
Мунтахаби миллии футболи Тоҷикистон дар рейтинг ё феҳристи нави Федератсияи байналмилалии футбол(ФИФА) дар мақоми пешинаи худ боқӣ монд.
Тавре торнамои расмии ФИФА навиштааст, дастаи миллии футболи Тоҷикистон бо 312 имтиёз ҷойгоҳи худро дар мақоми 112-ум нигоҳ доштааст. Тоҷикистон дар феҳристи Конфедератсияи футболи Осиё дар зинаи 13 буда, миёни кишварҳои пасошӯравӣ дар ҷойи 10-ум қарор дорад ва аз Озорбойҷон, Туркманистон, Молдовия, Қирғизистон ва Қазоқистон дар пеш аст.