Як ҳафта баъди шикаст: Имрӯз “Реал Мадрид” бо “Боруссия Д” боз қувва меозмояд (ВИДЕО)
Тими футболи “Боруссия Д”-и Олмон бо тими “Реал Мадрид”-и Испания ба сабқат мебарояд.
Ин бозии ҷавобии даври нимниҳоии Лигаи қаҳрамонҳои УЕФА-2012/2013 буда, шоми 30-юми апрел, дар варзишгоҳи (Сантяго Бернабеу)-и Мадрид баргузор мегардад.
Бозии аввали даври нимниҳоӣ миёни “Боруссия Д” ва “Реал Мадрид”, шоми 24-уми апрел, дар варзишгоҳи “Дортмунде”-и Олмон баргузор гардида буд, ки дар ин сабқат соҳибони майдон бо ҳисоби 4:1 пирӯз шуданд.
Навори бозии рӯзи 24-уми апрели "Боруссия Д" ва "Реал Мадрид"
Тимҳои “Бавария” ва “Барселона” бозии ҷавобияшонро дар даври нимниҳоии Лигаи қаҳрамонҳо шоми 1-уми май, дар варзишгоҳи “Камп Ноу”-и Барселона анҷом хоҳанд дод. Тими футболи “Бавария” шоми 23-юми апрел дар бозии аввали даври нимниҳоии Лигаи қаҳрамонҳои УЕФА-2012/2013 тими футболи “Барселона”-и Испанияро бо ҳисоби 4:0 шикаст дода буд.