Норасоии табибон дар навоҳии Қирғизистон
Академияи давлатии тибби Қирғизистон аз норасоии духтурон дар навоҳии ин кишвар ибрози нигаронӣ намудааст.
Тавре дафтари матбуотии Академияи давлатии тибби Қирғизистон иттилоъ медиҳад, ҳоло дар беморхонаҳои ин кишвар беш аз 950 духтур намерасидааст.
Ба иттилои манбаъ норасоии духтурон бештар дар навоҳӣ ва деҳоти Қирғизистон ба назар мерасидааст. Зеро ба гуфтаи ин ниҳод аксари ҷавонон баъд аз хатми донишгоҳ зиндагӣ дар шаҳрро ихтиёр намуда, аз рафтан ба деҳот худдорӣ менамудаанд.