Сардабири "Чархи гардун" беҳтарин волидайни сол эътироф шуд
Маҳмадалӣ Мақсадулло, сардабири нашрияи «Чархи гардун» барандаи озмуни «Волидайни беҳтарини сол» шуд.
Озмуни «Волидайни беҳтарини сол» аз ҷониби шаҳрдории Душанбе 4-уми декабр эълон шуда, дар се марҳила ҷараён гирифт. Даври аввали озмун моҳи феврал дар сатҳи муассисаҳои таълимӣ ва даври дуюм моҳи март дар сатҳи умумишаҳрӣ баргузор шуд. Қисмати ниҳойии озмун имрӯз, 6 уми апрел ҷамъбаст гардид.
Таҳкими робитаи падару модарон бо муассисаҳои таълимӣ, ҳавасманд гардонидани волидайни беҳтарин барои дар сатҳи баланд ба роҳ мондани таълиму тарбияи фарзандон ва ҷалби онҳо ба раванди таълиму тарбияи насли наврасро ташабускорон аз аҳдофи аслии озмун гуфтаанд.
Ғолибони озмун дар рӯзи таҷлил аз Рӯзи пойтахт бо 5 ҳазор сомонӣ қадр хоҳанд шуд.