“Регар-ТадАЗ” дар майдони худ аз “Қувайт” шикаст хӯрд
Дастаи “Регар-ТадАЗ”-и Турсунзода, дар бозии даври сеюми мусобиқаи гурӯҳии Ҷоми AFC-2013 дар гурӯҳи “А”, дар варзишгоҳи марказии шаҳри Хуҷанд аз тими “Қувайт”-и Қувайт бо ҳисоби 1:3 шикаст хурд. Голи якуми сабқатро Иссом Ҷумъа-бозигари дастаи “Қувайт” дар дақиқаи 19-уми дидор ба ҳадаф расонид ва ду голи дигар дар нимаи дуюми бозӣ вориди дарвозаи дастаи "Регар-ТадАЗ" гардид. Футболбозони "Регар-ТадАЗ" танҳо ба як голи меҳмонон посух гуфта тавонистанду бас.
Футболбозони дастаи "Регар-ТадАЗ", ки аввалин бозии даври гурӯҳии Ҷоми AFC-2013-ро дар гурӯҳи “А” дар меҳмонӣ бо тими “Сафо”-и Лубнон бо ҳисоби 1:1 анҷом дода, рӯзи 12-уми март, дар бозии даври дувум дар шаҳри Хуҷанд аз дастаи “Ал-Риффа”-и Баҳрайн бо ҳисоби 0:3 шикаст хӯрданд.
Ёдовар мешавем, ки фардо каҳрамони феълии Тоҷикистон ва ҳамзамон барандаи Ҷоми олии Тоҷикистон дастаи “Равшан”-и Кӯлоб бошад, дар бозии сеюми мусобиқаи гурӯҳии Ҷоми AFC-2013 дар гурӯҳи “D”, дар меҳмонӣ бо тими “Ал-Қодсия”-и Кувейт ба сабқат мебарояд.
Дастаи “Равшан”-и Кӯлоб дар нахустин бозии даври гурӯҳии Ҷоми AFC-2013 дар шаҳри Хуҷанд аз тими “Ал-Рамза”-и Урдун бо ҳисоби 0:1 мағлуб шуд. Рӯзи 13-уми март дар меҳмонӣ бо тими “Ал-Шорта”-и Сурия дар варзишгоҳи Шоҳзода Муҳаммад-и шаҳри Аззаркаи Урдун рақобат намуда, бо ҳисоби 0:2 ба шикаст рӯбарӯ гардид.