Ҷоми Тоҷикистон-2013: 11 дастаи лигаи олӣ мубориза мебаранд
Дар мавсими имсолаи футболи Тоҷикистон 11 дастаи лигаи олӣ барои Ҷоми Тоҷикистон-2013 қувваозмоӣ мекунанд.
Даври аввали қувваозмоиҳо рӯзи 6-уми апрел шурӯъ мешавад. Нахуст дастаҳои “Истиқлол”- “Вахш”, “Хайр” - “Панҷшер”, “Регар ТадАЗ”-“Хуҷанд” ва “Парвоз” СКА “Помир” бо ҳам рақобат хоҳанд кард.
Дастаи “Равшан”-и Кӯлоб, ки барандаи Супер ҷоми Тоҷикистон шуд, дар даври аввал ширкат намекунад.
Ёдовар мешавем, соли гузашта 14 дастаи лигаи олӣ барои Ҷоми Тоҷикистон-2012 қувваозмоӣ намуданд, ки дастаи “Регар ТадАЗ”-и Турсунзода барандаи ин ҷом шуда буд.
Дастаҳои “Гвардия”-и Душанбе, “Зарафшон”-и Панҷакент ва “Ҳосилот”-и Фархор, ки соли гузашта барои Ҷоми Тоҷикистон-2012 иштирок доштанд, дар мавсими имсолаи футбол ширкат намекунанд.