Сактаи қалби Ислом Каримов тасдиқ шуд
Сактаи қалби Ислом Каримов, раисиҷумҳури Узбакистон, таъйид шуд
Тавре хабаргузориҳои Русия менависанд, кормандони расонаҳои расмии Узбакистон хабари сактаи қалб шудани Ислом Каримовро таъйид кардаанд.
Манобеи хабаргузориҳои русӣ гуфтаанд, ки воқеан Каримов сактаи дил гузаронда, айни ҳол дар ҳолати вазнин қарор дорад. Мақомоти амниятии Узбакистон ба расонаҳои расмии ин кишвар дастур додаанд, ки навору сабтҳои қаблиро пахш кунанд, ки дар онҳо Каримов сиҳату бардам аст.
Қаблан сомонаи расмии Ҳаракати мардумии Узбакистон бо раҳбарии Муҳаммад Солеҳ, яке аз мухолифони умдаи ҳукумати Ислом Каримов хабар дод, ки раисиҷумҳури Узбакистон шоми 19-уми март сактаи дил ё инфарктро аз сар гузаронидааст.