Шикасти мунтахаби духтаронаи Тоҷикистон аз Эрон бо ҳисоби 7:1
Дастаи мунтахаби духтаронаи футболи Тоҷикистон (U-14) дар даври охирини мусобиқаи қитъавӣ дар минтақаи Осиёи Ҷанубӣ ва Марказӣ аз мунтахаби духтаронаи Эрон бо ҳисоби бузурги 7 бар 1 шикаст хӯрд.
Дар мусобиқаи қитъавӣ дар минтақаи Осиёи Ҷанубӣ ва Марказӣ, ки дар шаҳри Коломбо то 10-уми март идома кард, дар он дастаҳои духтаронаи синнашон то 14-солаи Бангладеш, Бутан, Тоҷикистон, Шри-Ланка, Ҳиндустон ва Эрон миёни ҳам рақобат карданд.
Мунтахаби духтаронаи Ҳиндустон бо 15 имтиёз ғолиби мусобикаи мазкур гардид. Футболбоздухтарони эронӣ бо 12 имтиёз мақоми мақоми дуюмро касб карданд. Ҷойи сеюм бо 7 имтиёз насиби футболбозони Бангладеш гардид. Футболбозони Шри-Ланка бо 6 имтиёз дар ҷойи чорум ва тоҷикдухтарон бо 4 имтиёз дар зинаи пунҷум қарор гирифтанд.
Ёдовар мешавем, дастаи мунтахаби духтаронаи футбол Тоҷикистон дар аввалин бозиаш дар мусобиқаи қитъавӣ дар минтақаи Осиёи Ҷанубӣ ва Марказӣ дар Шри-Ланка аз тими Ҳиндустон бо ҳисоби 0:3 мағлуб шуда, дар бозии дуюмаш бар тими Бутан бо ҳисоби 2:1 пирӯз гардид. Бозии сеюмро бо тими Бангладеш мусовӣ 2:2 анҷом доданд. Дар бозии чорум аз мунтахаби Шри-Ланка бо ҳисоби 1:4 шикаст хӯрда буд.