Озмуни агентӣ то 29-уми июл идома мекунад

Озмуни расми беҳтарин дар мавзӯи ҷилавгирӣ аз коррупсия дар ҷумҳурӣ эълон гардида, алъон идома дорад.

---

Дар ин бора ба хабаргузории «Озодагон» аз агентии назорати давлатии молиявӣ ва мубориза бо коррупсия иттилоъ доданд. Бино ба қавли сарчашма агентӣ ва Созмони Ҷамъиятии Байналхалқии «Ҳуқуқ ва Беҳбудӣ» муштаракан ин чорабиниро роҳандозӣ кардаанд. Дар озмун талабагони синфҳои болоӣ, донишҷӯён,  ҳамчунин ширкатҳо, ташкилотҳо, студияҳо, дизайнерон, коргардонҳо, рассомон ва шахсони дигар низ ҳуқуқи иштирок карданро доранд.
Плакат барои  расми беҳтарин бояд аз ҳаҷми А1 зиёд набошад. Расмҳое, ки барои тасвир меоранд, дар мавзӯъи  пешгирии коррупсия ва мусоидат ба ташаккули як навъи рафтори зиддикоррупсионӣ, барҳам додани зуҳуроти коррупсия ва қайд  намудани нақши ҳар як шаҳрванд дар пешгирии коррупсия бошад. Ғолибон бо мукофотҳои пулӣ сарфароз гардонида мешаванд. Қабули расмҳои беҳтарин ба озмун то 29 июли соли равон идома меёбад. {jathumbnail off}